Memleket basshysy Aljır Prezıdenti Ábdelmájıd Tebbýnǵa quttyqtaý jedelhatyn joldady. Bul týraly Aqordanyń baspasóz qyzmeti habarlady.
Qasym-Jomart Toqaev Ábdelmájıd Tebbýn men onyń otandastaryn Aljır Halyq Demokratııalyq Respýblıkasynyń ulttyq meıramy – Táýelsizdik kúnimen quttyqtady.
Prezıdent Aljır memleketiniń ósip-órkendeı berýine tilektes ekenin jetkizdi. Sondaı-aq Qazaqstan men Aljır arasyndaǵy dástúrli dostyq pen ózara túsinistikke negizdelgen seriktestik eki el halyqtarynyń ıgiligi úshin odan ári nyǵaıa beretinine senim bildirdi.