Elimizdegi sý salasynyń 31 mamany Qytaıǵa eki aptalyq kýrsqa attandy. Eske salaıyq, buǵan deıin atalǵan kórshiles elde sáýir jáne mamyr aılarynda 30 adamnan turatyn eki top bilim alǵany málim, dep jazady Egemen.kz.
Oqý qarajaty – Qytaı tarapynan uıymdastyrylyp jatyr, oǵan QR-nyń memlekettik bıýdjetinen qarajat bólinbegen. Jalpy bıylǵy jyly Qytaıda otandyq sý salasynyń 121 mamany biliktiligin arttyrady.
Qazirgi ýaqytta sala mınıstrligi Qytaımen birlesken oqytý baǵdarlamasyn jalǵastyrý týraly kelissózder júrgizip jatyr.
Sý resýrstary jáne ırrıgasııa vıse-mınıstri Aslan Abdraımovtyń aıtýynsha úshinshi toptyń quramynda sý salasynyń 31 mamany Qytaıǵa sý resýrstaryn basqarý jáne aǵyndy sýlardy tazartý taqyrybyndaǵy kýrsqa attandy.
«Bul oqýlar Prezıdent Joldaýynda aıtylǵan, sý salasyna bilikti mamandardy júıeli túrde daıyndaý qajettiligine baılanysty qolǵa alynǵan sharalardyń biri», dedi A.Abdraımov.