«Qazgıdromet» RMK 31 shildemen, 1-2 tamyzǵa arnalǵan aýa raıy boljamyn jarııalady, dep jazady Egemen.kz.
El aýmaǵynda birneshe kún boıy saqtalǵan ystyq aýa raıyn sıklon aýystyryp, jaýyn-shashyndy kezeń bastaldy. Sınoptıkterdiń málimetinshe, tipti ońtústik óńirlerde de kún salqyndaı bastady.
«Aldaǵy táýlikterde baıaý qozǵalatyn sıklon Qazaqstannyń kóp bóliginde óz yqpalyn saqtaıdy. El aýmaǵynda jańbyr jaýady, soltústik pen shyǵysta keı jerlerde qatty jańbyr kútiledi, keıbir óńirlerde burshaq túsýi de múmkin», deıdi mamandar.
2 tamyzdan bastap soltústikten antısıklonnyń kelýimen aýa raıy ózgere bastaıdy. Atmosferalyq qysym kóterilip, jaýyn-shashyn toqtaıdy.
Soltústik oblystarda kúndiz aýa temperatýrasy tómendep, +15…+20 gradýsqa deıin salqyndaıdy.