Qazirgi ýaqytta Almaty qalasy men Almaty oblysynyń ákimdikteri «Baǵanashyl» balalar úıiniń ǵımaratyn Almaty qalasynyń balansyna berý boıynsha tıisti jumystardy qolǵa alǵan, dep habarlaıdy Egemen.kz.
Mekeme tárbıelenýshilerine zamanaýı ári qaýipsiz jaǵdaı jasaý úshin ǵımaratqa keshendi jańǵyrtý júrgizý kózdelip otyr. Bul jumys aldyn ala tehnıkalyq saraptama, jobalaý-smetalyq qujattama ázirleý, memlekettik saraptama jáne konkýrs rásimderinen keıin, kelesi jyly bastalmaq.
«Jóndeý-qalpyna keltirý jumystary kezinde balalardy ýaqytsha ornalastyrý máselesi qaýipsizdik talaptary men qajetti turmys jaǵdaıyn eskerile otyryp sheshiledi. Balalar birinen biri bólinbeıdi. Tárbıelenýshiler Almaty qalasyndaǵy qazir ózderi oqyp júrgen mektepte bilim alýyn jalǵastyrady. Balalar úıiniń ǵımaratynan balalardy Qonaev qalasyna kóshirý máselesi qarastyrylyp jatqan joq», dep habarlady Almaty qalasy ákimdiginiń baspasóz qyzmeti.
Balalardyń qaýipsizdigi, bilim alýy jáne turmys jaǵdaıy Almaty qalasy ákimdigi men Oqý-aǵartý mınıstrliginiń turaqty baqylaýynda bolady. Tıisti mekemeler olardyń quqyqtary men jaǵdaılaryn qamtamasyz etýge jaýapty.