Mádenıet jáne aqparat mınıstrliginiń uıytqy bolýymen Ulttyq akademııalyq kitaphanada «Abaı joly» keıipkerleri jáne Abaı», «Abaı. Stıhı ı poemy» atty jańa kitaptardyń tusaýkeser rásimi uıymdastyryldy, dep jazady Egemen.kz.
Mádenı sharaǵa qoǵam qaıratkerleri, abaıtanýshylar, ádebıettanýshylar men aqyn-jazýshylar qatysty.
Jazýshy Almahan Muhametqalıqyzynyń «Abaı joly» keıipkerleri jáne Abaı» eńbegi romandaǵy keıipkerlerdiń týystyq, tarıhı, rýlarmen baılanysyn júıeli túrde taldaı otyryp, kórkem obrazdar men tarıhı tulǵalardyń baılanysyn zerdeleıdi. Kitap ustazdar men stýdentterge jáne oqýshylarǵa kómekshi qural retinde usynylady.Sonymen qatar aqyn-aýdarmashy Orynbaı Janaıdardyń «Abaı. Stıhı ı poemy» jınaǵynda uly aqyn Abaı Qunanbaıulynyń tańdaýly óleńderi men poemalary orys tilinde jarııalanǵan. Jańa basylym uly aqynnyń murasyn kópshilikke nasıhattaýǵa baǵyttalǵan.Atalǵan kitaptar memlekettik tapsyrys arqyly 3000 danamen jaryq kórgen. Jańa kitaptar respýblıkadaǵy kitaphanalarǵa taratylady.