ERDIŃ MEREII – ELDIŃ MEREII

Mádenıet mınıstrligi men Prezıdenttik mádenıet ortalyǵynyń uıymdastyrýymen “Elin súıgen, eli súıgen Elbasy” atty án keshi men “Elbasy jáne elorda” atty kórme Astananyń mereıli merekesi qarsańynda jurtshylyq nazaryna usynyldy. Prezıdenttik mádenıet orta­ly­ǵynda tanymy men taǵylymy mol án keshine jurtshy­lyq meılinshe kóp jınaldy. Halqymyzdyń san ǵasyrǵa jýyq tarıhynda mýzykanyń, so­nyń ishinde án óneriniń alar orny erekshe bolsa, ár zamanda suryp­talyp, tek qazaq halqyna ǵana tán áýen yrǵaǵy, qaı­ta­lanbas ulttyq sazy búginde HHI ǵasyrda Qazaq eliniń kók aspany aıasynda shyrqa­lyp keledi. Saltanatty keshtiń shymyl­dy­ǵyn Prezıdenttik mádenıet orta­­ly­ǵynyń dırektory Myr­zataı Jol­das­bekov ashty. “Biz yqylym zaman­dardan beri uly dala tósinde san qıly taǵdyrdy basynan kesh­ken el edik. Myń­daǵan jyldar san ur­paq osy kúndi armandaýmen ótti. Nebári 19 jyldyń ishinde saıyn dalada ja­ńa memleket – Táýelsiz Qa­zaq­­stan or­nady. Elor­da­ly, Aq­or­daly, El­basyly el boldyq. Qa­zaqstan – bú­gin­­de álem mo­ıyn­­daǵan qýatty mem­leketke, Astana – ha­lyq­aralyq ynty­maq­­tas­tyq­tyń eńse­li orda­syna, Elbasy jer betin­degi yq­paldy qaıratkerge aınaldy. Taıaýda ǵana Túrkııanyń Prezıdenti Ab­dýl­la Gúl myrza El­basynyń ıy­ǵyna aq shapan jaýyp, qoly­na asataıaq ustatty. Sóı­tip, Túrik álemi­niń kósh­basshysy dep ja­rııa­la­dy. Ior­danııanyń asta­na­synda Elbasynyń atyna kóshe beril­di, An­karada es­kertkish or­na­­dy. Mu­nyń bári tek qazaqtyń kóńili úshin jasalyp jat­qan joq, Elbasynyń eren eńbeginiń baǵasy, ári erdiń me­reıi, ári eldiń mereıi. Elbasy tý­ǵan hal­qyn, saıyn dalasyn janyn­daı súıetin kisi” – dedi ol tebirene sóılep. Ultymyzdyń keń dalasyna ta­ny­­mal, halqymyzdyń dana jú­re­gi­nen, darhan kóńilinen týǵan kórikti ánder keshi eki bólimnen turdy. Birinshi bó­lim­de Elbasy súıip tyń­daıtyn “Aq Baıan”, “Qaraı kózim”, “Haláý-láı­lim”, “Dúl­­dúlim”, “Qy­myz quıǵysh”, “Qy­zyljar-Semeı”, “Ǵazıza gúl”, “Dola­na”, “Ahaý, ke­rim”, “Bul­­bul qusym”, “Gúldarıǵa” já­ne halyq ánderi shyr­qalsa, ekin­shi bólimde Elbasyna arnap jaz­ǵan N.Aıtuly­nyń “Elbasy” atty tol­ǵaýy, M.Qasymbekov pen E.Úse­nov­tyń “Jan aǵa”, son­daı-aq N.Na­zar­­baev­­tyń sózi­ne ja­zylǵan A.Qo­raz­baev­tyń “Úsh­qońyr” atty ánderi shyr­qaldy. Án keshinde Gúlzıra Bókeı­hanqyzy, Ardaq Balajanova, Klara Tólenbaeva, Gúlmıra Sa­rı­na, Jazgúl Dańylbaeva syn­dy taǵy basqa elimizge tanymal ónerpazdar án shyrqady. Al sahnalyq bezen­dirýden bastan án keshiniń mazmun­dyq ıdeıasyna belgili rejısser S.Asylhanuly zor eńbek sińiripti. Án keshinen keıin jınalǵan qaýym “Táýelsiz Qazaqstan”, “Shejire”, “Astana” degen úsh bólimnen turatyn “Elbasy men Elorda” atty kórmeni tamashal­ady. Bul kórmege elordanyń dańqynyń eselený joldaryna qatysty jáne elimizdi órken­detýdegi Elbasynyń eren eńbegi­nen syr shertetin fotosýretter, 50 qujat pen 52 planshet tama­shalaýshylardy tánti etti. Araı ÚIRENIShBEKQYZY.