Mańǵystaý oblysynda polısııa qyzmetkerleri kıikteiń tutas etteri men múıizderin tárkiledi, dep habarlaıdy Egemen.kz.
Beıneý aýdanynyń Turysh aýylyndaǵy úılerdiń biriniń aýlasynda polısııa men «Búrkit» arnaıy jasaǵynyń birlesken jedel-izdestirý is-sharalary barysynda kıik etteri men múıizderiniń zańsyz saqtalǵany anyqtaldy.
Tintý kezinde Qyzyl kitapqa engen toǵyz kıiktiń eti, 30 múıizi, 16 mıllımetrlik kalıbrli oq-dáriler jáne ózge de zattaı aıǵaqtar tabylyp, tárkilendi.
Oqıǵa boıynsha sotqa deıingi tergeýdiń biryńǵaı tizilimine qylmystyq is tirkeldi. Tárkilengen zattar saraptamaǵa jiberildi. Kúdiktige qatysty bultartpaý sharasy retinde elden shyqpaý týraly qolhat alyndy.
Aıta keteıik, zań buzýshyny áshkereleý boıynsha operasııa Mańǵystaý oblysy prokýratýrasynyń úılestirýimen júrgizildi.