Jańa oqý jyly Shyǵys Qazaqstan oblysynda eleýli ózgeristermen bastaldy. О́ńirde zamanaýı bilim ınfraqurylymyn qalyptastyrýǵa qarqyndy ınvestısııa jasalyp jatyr. Jańa mektepter salynyp, sıfrlyq tehnologııalar engizildi. Bul týraly Bilim basqarmasy basshysynyń orynbasary Álıma Aqylbek málimdedi.
«Keleshek mektepteri» ulttyq jobasy aıasynda oblysta 3 000 orynǵa arnalǵan 6 zamanaýı mektep salyndy. Bul bilim oshaqtary ınklıýzıvtilik pen sıfrlandyrý talaptaryna saı keletin sońǵy tehnologııalarmen jabdyqtalǵan. Sonymen qatar О́skemen qalasyndaǵy Esenberlın kóshesinde ornalasqan taǵy bir mektep bilim basqarmasynyń balansyna berýge daıyn tur.
Budan bólek, Zaısan qalasynda 300 oryndyq jańa mektep Bilim berý ınfraqurylymyn qoldaý qorynyń qarajaty esebinen boı kóterdi. Mekteptiń esigi 1-qyrkúıekte oqýshylarǵa aıqara ashyldy.
О́ńirdegi 347 mekteptiń barlyǵy ınternet jelisine qosylǵan. Onyń ishinde 170 mektepte «Starlink» júıesi negizinde qanatqaqty joba júzege asyrylyp jatyr. Bul bilim platformalary men sıfrlyq resýrstarǵa turaqty qoljetimdilikti qamtamasyz etetin jańa sheshim.
Barlyq mektepte beınebaqylaý men kirýdi baqylaý júıeleri ornatylǵan. Sonymen qatar «Áleýmettik ámııan» jobasy iske asyrylyp jatyr. Iаǵnı ata-analarǵa balalardyń as mázirin qadaǵalap, jetkizýshilerge eseptilikti ashyq júrgizýge múmkindik beretin apparattyq-baǵdarlamalyq keshen. Jańa oqý jylynda mundaı júıe 108 mektepte jumysyn bastaıdy. Al 191 mektep «Bıznes ámııan» mobıldi qosymshasyna qosylǵan.
Bıyl 488 mln teńgeden astam somaǵa 40 zamanaýı pándik kabınet (hımııa, fızıka, bıologııa, STEM, robottehnıka) satyp alyndy. 2026 jyly taǵy 35 jańa býyn kabınetin ashý josparlanyp otyr.
2026 jylǵa qaraı oblysta taǵy 3 jańa mektep salý, 12 mektepti kúrdeli jańǵyrtý kózdelgen. Bul jumys shaǵyn qalalar men aýyldardaǵy 50 bilim mekemesin qamtıtyn bolady. 2025 jyly óńirdegi 92 bilim nysanyn jóndeýge 2,7 mlrd teńge bólindi. Qazirgi tańda onyń bir bóligi aıaqtaldy, qalǵany josparǵa saı jalǵasady.
Shyǵys Qazaqstan oblysy