2025 jyldyń 16 qyrkúıeginen bastap elimizde qyzdy erkinen tys alyp qashyp, nekege májbúrleý qylmys bolyp sanalady, dep jazady Egemen.kz.
Qylmystyq kodekstiń jańa 125-1-babyna sáıkes, mundaı áreket jasaǵandar 2 myń AEK-ke deıin (shamamen 7,8 mln teńge) aıyppul tóleıdi, túzeý jumystaryna tartylady nemese eki jylǵa deıin bas bostandyǵynan aıyrylady.
Eger qylmys kúsh qoldanýmen, kámeletke tolmaǵanǵa qatysty nemese top bolyp jasalsa, jaza kúsheıedi. Mundaıda 5 myń AEK-ke deıin (19,6 mln teńge) aıyppul salynyp, úsh jyldan jeti jylǵa deıin bas bostandyǵynan aıyrý jazasy qarastyrylǵan.
Zań Májilis depýtattarynyń bastamasymen qabyldanyp, Prezıdent qol qoıǵannan keıin búginnen bastap kúshine endi.