HR mamandarynyń múmkindigin arttyrady

Is-sharanyń maqsaty – kadrlyq úderisterdi sıfr­lan­d­yrýdyń zamanaýı qu­raldary týraly HR-qoǵam­dastyqty aqparat­tan­dyrý, sondaı-aq memlekettik qyz­mette adam kapıtalyn damy­týda ınnovasııalyq sheshim­derdi engizý boıynsha tá­jirıbe almasý. Kezdesý barysynda kadr jumysyn avto­mat­tandyrýǵa jáne sıfrlyq transformasııalaýǵa arnalǵan zamanaýı aqparattyq júıeler, memlekettik qyzmettiń gıbrıdti modelin qalyptastyrýǵa baǵyt­talǵan iske asyrylyp jatqan HR-jobalar usynyldy. Open Day-ǵa qatysýǵa HR-qyz­met­teriniń ókilderi, sondaı-aq sıfrlyq HR-tájirıbelerdi damytýǵa tartylǵan sarapshylar shaqyryldy.

Memlekettik qyzmet isteri agenttiginiń tóraǵasy Darhan Jazyqbaı qatysýshylarǵa arnaǵan sózinde sıfrlyq transformasııanyń mańyzyn, mem­lekettik jáne jeke sek­tordaǵy HR-qyzmetteri ara­syndaǵy áriptestikti nyǵaı­týdyń ózektiligin atap ótti. Bul mindet Memleket basshysynyń Joldaýynda jarııalanǵan negizgi bastamalarmen tyǵyz úndesedi. Atap aıtqanda, Qazaq­­standy tolyqqandy sıfr­lyq memleketke aınal­dyrý, jasandy ıntellekt salasyndaǵy quzyretterdi damytý, sondaı-aq memlekettik ınstıtýttardyń ashyqtyǵy, tıimdiligi men básekege qabi­let­tiligin arttyrý úshin plat­formalyq ekonomıka men úlken derekterdi keńinen qol­danýdy qamtamasyz etý kóz­delip otyr.

Kezdesý barysynda qatysý­shylar agenttiktiń jumysymen jáne ózekti mindet­terimen tanysty. Ortalyqta memlekettik qyzmetke sıfrlyq irikteý, sondaı-aq «e-Qyzmet» júıesi jáne biryńǵaı kadr júıesi arqyly HR-úderisterdi avtomattandyrý máseleleri egjeı-tegjeıli usynyldy.

Sondaı-aq Memleket basshysy bastamashylyq etken iri HR-jobalardyń biri Prezıdenttik jastar kadrlyq rezervi tanystyryldy. Bul talanttardy basqarýda jáne kásibı memlekettik qyz­met­shilerdiń jańa býynyn qa­lyptastyrýda mańyzdy qu­ral­ǵa aınaldy.

Agenttik tóraǵasynyń orynbasary Álibek Ahmedıar memle­kettik qyzmetti damytýdyń 2024–2029 jyldarǵa arnalǵan tujyrymdamasyn iske asyrýǵa baǵyt­talǵan «Memlekettik qyz­met týraly» zańnyń jańa redak­sııasynyń jobasyn usyn­dy.