Qaraǵandylyq sportshylar Italııada ótken ITF taekvondo boıynsha álem chempıonatynda júldeli óner kórsetti. Jasóspirimder, eresekter jáne ardagerler arasyndaǵy dodada olar Qazaqstan quramasynyń qorjynyna 21 medal saldy. Nátıje: 3 altyn, 6 kúmis jáne 12 qola, dep habarlaıdy Egemen.kz.
Baıraqty básekege 69 elden 1200-den astam sportshy qatysyp, Qazaqstan namysyn 72 taekvondoshy qorǵady. Onyń ishinde 16 sportshy – Qaraǵandy oblysynan. Jerlester jekeleı jáne komandalyq sparrıng, formaldy jattyǵýlar, ózin-ózi qorǵaý, arnaıy tehnıka boıynsha synǵa tústi.
Ardagerler sanatynda (45–59 jas) Álııa Súleımenova formaldy jattyǵýda qola, al sparrıng boıynsha altyn medal jeńip alyp, úsh dúrkin álem chempıony atandy. Sondaı-aq ardagerler Marlen Shaltakov, Dýlat Qurmanseıitov jáne Azamat Sábıtov jalpy 6 medal ıelendi: 1 altyn, 3 kúmis jáne 2 qola. Medına Daýlenova Qaraǵandy ITF taekvondo federasııasy tarıhynda áıelder arasyndaǵy alǵashqy álem chempıony atanyp, ekinshi altyndy enshiledi. Úshinshi altyndy 14–15 jas aralyǵyndaǵy Aıtýar Saıranov jeńip aldy.
Qaraǵandy oblysy