23-24 qazan kúnderi «Respýblıka kúni» ulttyq merekesi jáne Qyzylorda qalasynyń astana bolǵanyna 100 jyl tolý mereıtoıyna oraı Shveısarııanyń Jeneva, Bern qalalarynda Syr ónerpazdarynyń konserti ótti, dep jazady Egemen.kz.
Konsertke Shveısarııadaǵy sheteldik elshilikterdiń ókilderi, Jeneva jáne Bern qalalaryndaǵy qazaq dıasporasy men jergilikti turǵyndar qatysty.Konserttiń maqsaty – qazaq mádenıetin, ulttyq ónerdi, Syr óńiriniń jyraýlyq dástúrin álemge tanytý. Oǵan ulttyq mýzykanyń jaýharlaryn tórtkúl dúnıege pash etken halyq aspaptar, Syr óńirinen shyqqan respýblıkaǵa tanymal mádenıet maıtalmandary M.Nııazov, Ú.Medeýova, A.Shaǵdatov, M.Maqulbekov, Á.Qýańbaev, T.О́tenova, B.Orynbasar, M.Amanjolov, A.Shadaev, A.Mahambetjan, A.Ábdi, A.Tóreǵalı jáne M.Jantóre, A.Shúkirov, J.Jumabek, J.Qaıypbergen, N.Rústemuly, Z.Nysanbaev, T.Aıapova qatysyp, óner kórsetti.
Gastroldik sapar aıasynda kórermenge konserttik baǵdarlamamen qatar, qazaqtyń ulttyq taǵamdary, ulttyq naqyshta jasalǵan syı-sııapat usynyldy.
Jurtshylyq tanym men taǵylymǵa toly kesh syılaǵany úshin syrboıylyq ónerpazdarǵa alǵys bildirdi.
Aıta ketý qajet, osy jyly Naýryz merekesiniń tarıhı jáne mádenı mańyzyn túsindirý, álem jurtshylyǵyna tanystyrý maqsatynda Ispanııa, Fınlıandııa, Estonııa memleketterinde Syr ónerpazdarynyń konserti ótken bolatyn.