Býrabaı aýdanynyń patrýldik polısııa rotasynyń qyzmetkerleri Baýyrjan Ǵalymov pen Aıan Qanǵojın jedel ári kásibı áreketterimen Shýchınsk-Býrabaı tasjolynda bolýy múmkin qaıǵyly jaǵdaıdyń aldyn alyp, júrgizýshi men eki jolaýshynyń ómirin saqtap qalǵan. Oqıǵa 24 qazanda bolǵan, dep jazady Egemen.kz.
Atalǵan eki polıseı kólikti kúmán týdyrarlyqtaı basqaryp kele jatqan júrgizýshini baıqap qalǵan. Polıseılerdiń toqtaý týraly talabyna júrgizýshi jaýap bermeı, qarsy baǵyttaǵy jolaqqa shyǵyp, jol jıegine soǵylǵan. Jaǵdaıdy tez baǵamdaǵan tártip saqshylary qarsy baǵyttaǵy qozǵalysty toqtatyp, kólikti qaýipsiz túrde toqtatqan. Sóıtip, yqtımal jol-kólik oqıǵasynyń aldyn alǵan.
Kólikte 60 jastaǵy er adam jáne kámeletke tolmaǵan eki bala bolǵan. Keıin anyqtalǵandaı, júrgizýshi ózin kenetten jaısyz sezinip, basy aınalyp, jaǵdaıy kúrt nasharlaǵan.
Polıseıler birden jedel járdem shaqyryp, dárigerlerdiń nusqaýymen er adamǵa alǵashqy medısınalyq kómek kórsetti. Dárigerler onyń jaǵdaıyn «ınsýlt alǵan» dep baǵalap, polıseılerdiń jedel áreketiniń arqasynda aýyr zardaptyń aldyn alǵanyn atap ótken.
Aýdandyq polısııa basshysy qyzmetkerleriniń kásibı daıyndyǵy men jaýapkershiligin joǵary baǵalady, al 60 jastaǵy er adam óz ómirin saqtap qalǵan patrýldik polısııa qyzmetkerlerine rızashylyǵyn bildirdi.
Patrýldik polısııa qyzmetkerleriniń úılesimdi ári jedel is-qımyly arqasynda osylaısha úsh adamnyń ómiri saqtalyp qaldy.