Almaty máslıhatynyń kezekten tys XXXVI sessııasynda depýtattar qalanyń taý bókterindegi aýdandardyń qurylysyna moratorıı qabyldady, dep jazady Egemen.kz.
Almaty qalalyq josparlaý jáne ýrbanıstıka basqarmasynyń basshysy Almas Janbyrshynyń aıtýynsha, 2014 jyly Qarasaı jáne Talǵar aýdandarynyń qosylýy nátıjesinde 29 shaǵyn aýdan - Ermensaı, Qarǵaly, Remızovka jáne t.b. qurylyp, olardyń sany 171 myńnan asady.
«Aýdandar jetkilikti ınjenerlik jáne kóliktik qamtamasyz etýsiz qalyptasty, bul búginde kólik jáne kommýnaldyq ınfraqurylymǵa salmaq túsiredi, sondaı-aq seısmıkalyq jáne ekologııalyq táýekelderdi týdyrady. Moratorııdi engizý tabıǵı landshaftty saqtaýǵa jáne qalanyń qaýipsiz damýyn qamtamasyz etýge baǵyttalǵan», dedi spıker.
Ol Almaty qalasynyń aýmaǵynda qurylys salý erejelerine mynadaı ózgerister engizýdi usyndy:
Bas josparda kózdelgen áleýmettik ınfraqurylym jáne týrıstik klaster obektilerin qospaǵanda, kóp páterli turǵyn úıler men keshender salýǵa tyıym salý.
Qoldanystaǵy kólik jáne ınjenerlik ınfraqurylymǵa júkteme týdyrsa tyǵyz aımaqtarda (núkteli) qurylysqa tyıym salý.
Shekteýler qoldanystaǵy obektilerdi rekonstrýksııalaýǵa, qaıta josparlaýǵa, jańǵyrtýǵa jáne kúrdeli jóndeý kezinde qoldanylmaıdy.
Sessııada naqtylaǵandaı, áleýmettik ınfraqurylym nysandaryna mektepter, aýrýhanalar, balabaqshalar jáne qala turǵyndarynyń qajettilikterin qamtamasyz etetin basqa da ınfraqurylymdar jatady. Týrıstik nysandarǵa qala turǵyndarynyń, Almaty qonaqtarynyń, sheteldik týrısterdiń jaıly demalýy úshin qonaq úıler men basqa da týrızm nysandary jatady. Bul nysandardyń qabattylyǵyna keletin bolsaq, buryn engizilgen bazalyq sheshim áreket etedi - úsh qabattan nemese 12 metrden joǵary bolmaýy kerek.
Osy moratorııdi oryndaý sheńberinde 2023 jylǵy 3 mamyrda bekitilgen qalanyń Bas josparyn túzetý josparlanyp otyr. 2026 jyldyń mamyr aıyna deıin túzetýler engizý josparlanǵan.
Aıta keteıik 2025 jylǵy 3 tamyzda Memleket basshysy Qasym-Jomart Toqaev qala ákimi Darhan Satybaldyny qabylaý kóp páterli turǵyn úı keshenderiniń qurylysyna jáne qalanyń joǵarǵy bóligindegi núkteli qurylysqa moratorıı engizýdi tapsyrǵan bolatyn.