Qazaqstanda memlekettik retteý saldarynan aldaǵy jyly AI-92 benzın men dızel otyny boıynsha tapshylyq týyndaýy múmkin, dep habarlaıdy Egemen.kz Energy Monitor arnasyna silteme jasap.
Energy Monitor arnasynyń habarlaýynsha, eksporttyq jáne ishki naryqtaǵy janarmaı baǵasynyń arasyndaǵy aıyrmashylyq tonnasyna 100 myń teńgeden asady (ESP, PQО́S, eksport shyǵyndary jáne treıderlerge jeńildikterdi esepke ala otyryp).
Elimizde jyl saıyn 18 mıllıon tonnadan astam munaı óńdeledi. Alaıda munaı óndirýshi kompanııalar jyl saıyn 1,8 trln teńge (3,3 mlrd dollar) kóleminde qosymsha tabys ala almaı otyr. Bul somany Qazaqstan azamattarynyń sanyna bólsek, ár turǵynǵa 90 myń teńge (165 dollar) tıetinin kórsetedi. Aıta keterligi, bul «jasyryn tabıǵı renta» qazirgi kezde balalarǵa taǵaıyndalatyn Ulttyq qordan bólinetin keshbekten (110 dollar) kóp.
Sarapshylar atap ótkendeı, defısıttiń negizgi sebepteri:
Qazaqstannyń úsh MО́Z zaýyttary óz maksımaldy qýatynda jumys isteıdi, al álemde mundaı tolyq júkteme sırek kezdesedi; Halyq sany men azamattardyń tutyný deńgeıi ósýde; Avtokólik satyp alý, janarmaıǵa suranys, avıa jáne týrıstik sektordaǵy ósý baıqalady; Jyl saıyn benzın men dızeldiń eksportyn shekteımiz, alaıda ishki baǵalardyń arzan bolýy kórshi elderge ketýine jol ashady.Sarapshylar eger memlekettik retteý jalǵasa berse, aldaǵy jyly janarmaı beketterinde uzyn-sonar kezek pen tapshylyqtyń qalyptasýy múmkin ekenin eskertedi.