Prezıdent Q.Toqaev Jarlyǵymen bekitilgen «Qazaqstan Respýblıkasy ishki saıasatynyń negizgi qaǵıdattary, qundylyqtary men baǵyttaryn bekitý týraly» qujatta qoǵam úshin mańyzdy tuǵyrly ıdeologııalyq máseleler qarapaıym tilmen uǵynyqty júıelengen.
«Ártúrli kózqaras – birtutas ult» qaǵıdaty – búgingi qazaq qoǵamynyń dertine aınalǵan problemanyń oń sheshimi. Pikir alýandyǵyna da oryn bere otyryp, demokratııalyq qundylyqtardy buzbaı, eldiń múddesine uıysýǵa úndeıtin ustanym. Biz birdeı oılaýǵa mindetti emespiz, alaıda bir tý astynda tirshilik etip jatqandyqtan túpki múddemiz de tutasyp, nyǵaıýy kerek. Osy ulttyq ıdeologııa iske assa, qoǵamnyń da qaýqary kúsheıedi.
«Taza Qazaqstan» qaǵıdaty adam ómiriniń barlyq salasyn qamtıdy. «Taza» sózi ekologııaǵa ǵana qatysty emes, ol – sananyń, peıildiń, oıdyń, is pen sózdiń tazalyǵy. Ár adamdy memleketti quraýshy tulǵa dep túsinsek, árqaısymyz azamattyǵymyzdy, arymyzdy taza ustaýǵa umtylǵanymyz abzal. Qoqys tastama, durys sóıle, zań buzba, adal eńbekpen aqsha tap, aınalańa qamqor bol. Osy qarapaıym murat-maqsat óz máninde júzege asyrylsa elimiz kórkeıedi, Otanymyz myzǵymastaı bolyp bekı túsedi. Ony elimizdiń árbir azamaty kúndelikti mindetim dep qabyldaýǵa tıis. Sol turǵyda bul qujat qalyń elge serpilis beredi dep senemiz.
Samat NURTAZA,
Májilis depýtaty