Jetisý oblysynda halyqtyń densaýlyǵyn nyǵaıtý men buqaralyq sportty damytý baǵytynda júıeli jumys atqarylyp jatyr. Keıingi úsh jylda 32 jańa sport nysany boı kóterip, 3 ortalyqqa kúrdeli jóndeý júrgizildi. Bıyl 1 myń adamǵa shaqqanda sport ınfraqurylymymen qamtylý deńgeıin 66,8%-ǵa deıin jetkizý kózdelip otyr.
Oblys aýmaǵynda 35 sport mekemesi jumys isteıdi. Sonyń ishinde balalar men jasóspirimderge arnalǵan 23 sport mektebinde 57 sport túrimen 21 myńnan astam sportshy jattyǵady. О́ńirde 59 akkredıttelgen sport federasııasy qyzmet atqarady. Bıyl jan basyna shaqqan sporttyq tapsyrys arqyly 160 seksııa ashylyp, onda 6 183 bala turaqty túrde sportpen aınalysyp júr. Deneshynyqtyrý men sportty júıeli túrde serik etken turǵyndardyń sany búginde 292 myńnan asty, bul oblys halqynyń 42 paıyzyn quraıdy.
О́ńirde sporttyq ınfraqurylymdy odan ári damytý jospary aıqyn. Atap aıtqanda, 8 jańa sport nysanynyń qurylysyna qarjy bólinip, onyń bireýi qazirdiń ózinde paıdalanýǵa berildi, qalǵan 7 nysan jyl sońyna deıin tolyq aıaqtalady. 5 fýtbol alańynyń qurylysy qolǵa alynyp, Kerbulaq, Panfılov, Sarqan aýdandaryndaǵy 3 nysan sportsúıer qaýymnyń ıgiligine berildi. Qaratal aýdanynyń Kálpe aýylynda kásipkerdiń qoldaýymen zamanaýı ústel tennısi kesheni ashyldy.
– Sportty jappaı nasıhattaý men salamatty ómir saltyn qalyptastyrý baǵytynda óńirde aýqymdy is-sharalar ótkizilip keledi. Jyl basynan beri 4 600-den astam buqaralyq sporttyq shara uıymdastyrylyp, oǵan 108 myńnan astam adam qatysty. Jetisý sportshylarynyń jetistikteri de qýantady. Osy jyly oblys sportshylary túrli deńgeıdegi jarystarda 1 046 medal jeńip aldy. Onyń ishinde 387-si – altyn, 319-y – kúmis, 340-y – qola. Sondaı-aq 9 sportshy halyqaralyq dárejedegi sport sheberi atanyp, 57 sportshy sport sheberi normatıvin oryndady, – deıdi oblystyq dene shynyqtyrý jáne sport basqarmasynyń basshysy Ulan Rysqulov.
Jańa nysandardyń salynýy, sporttyq seksııalardyń kóbeıýi, buqaralyq sporttyń keń qanat jaıýy – óńirdiń salamatty qoǵam qurý jolyndaǵy tabandy eńbeginiń aıǵaǵy. Taldyqorǵan qalasynda 1,8 mln dollarǵa sport kesheni salynyp jatyr. Nysanda kórkem gımnastıka, voleıbol, basketbol sportymen aınalysatyn jattyǵý zaldary bar. Qurylys-montaj jumystaryna 977,3 mln teńge, tehnıkalyq qadaǵalaýǵa 23,3 mln teńge, avtorlyq qadaǵalaýǵa 4,5 mln teńge qarajat jumsalady. Buǵan qosa, óńirde 8 sport nysanynda qurylys jumysy júrip jatyr.
Jańa nysandardyń ishinde erekshe kózge túsetini – Taldyqorǵan qalasyndaǵy elimizde teńdesi joq zamanaýı voleıbol ortalyǵy. Munda «Jetisý» kásibı voleıbol klýbynyń erler, áıelder, jastar komandalary jattyǵady.
Investorlar qarjysyna salynǵan ústel tennısi ortalyǵy da halyqaralyq standarttarǵa saı jabdyqtalǵan, erekshe qajettiligi bar sportshylarǵa barlyq jaǵdaı jasalǵan. Tekeli qalasynda ashylǵan deneshynyqtyrý-saýyqtyrý kesheni búginde qala turǵyndarynyń maqtanyshyna aınalyp otyr. Munda aýyr atletıka, boks, basketbol, dzıýdo, sadaq atý, karate sııaqty sport túrlerinen 500-den astam jas sportshy daıyndalady.
Bıyl da oblysta sport nysandaryn salýǵa aıryqsha nazar aýdaryldy. Alakól aýdanyndaǵy Lepsi aýylynda 160 oryndyq sporttyq keshen men jataqhananyń, Qabanbaı aýylynda 80 oryndyq sport kesheniniń qurylysy júrip jatyr. Aldaǵy ýaqytta Kerbulaq, Kóksý, Qaratal aýdandarynyń birneshe aýylynda da osyndaı sport keshenderin salý josparlanǵan.
Balalar men jasóspirimder sporty – óńir saıasatynyń basty baǵyty. Keıingi úsh jylda oblysta boks pen dzıýdodan olımpıadalyq rezerv mektepteri, joǵary sport sheberligi mektepteri, «Jetisý» voleıbol, hokkeı, ulttyq sport túrleri klýbtary ashyldy. Qysqy sport túrlerin damytý maqsatynda Taldyqorǵanda kerlıng, short-trek, shaıbaly hokkeı seksııalary jumysyn bastady. Sonymen qatar oblys ákiminiń bastamasymen alǵash ret aýla, mektep komandalary arasynda fýtbol, voleıbol, basketboldan oblystyq balalar týrnıri ótkizildi. Oǵan 560-tan astam komanda qatysty. Bul shara dástúrge aınalady. Jetisýdaǵy júıeli jumys óńir halqynyń sportqa degen qyzyǵýshylyǵyn arttyryp, salamatty ómir saltyn qalyptastyrýǵa tyń serpin berip otyr.
Jetisý oblysy