Osy maqsatta Qazaqstan AQSh-tan elektrli eVTOL ushaqtaryn satyp alady. Jospardy júzege asyrý úshin Jasandy ıntellekt jáne sıfrlyq damý mınıstrligi, amerıkalyq Joby Aero, Inc. kompanııasy, Alatau Advance Air Group Ltd. jáne kásipker Vıacheslav Kım ózara túsinistik jónindegi memorandýmǵa qol qoıdy, dep jazady Egemen.kz.
Áýe taksılerin satyp alýǵa 300 mln AQSh dollary jumsalady. Bul tiginen ushyp-qonatyn ınnovasııalyq ushý apparattary Qazaqstandaǵy alǵashqy qalalyq áýe mobıldi (Urban Air Mobility) jobasynyń negizi bolmaq. Joba aıasynda sertıfıkattaý jáne demonstrasııalyq ushýlarǵa arnalǵan synaq alańyn qurý, sondaı-aq Alataý men Almaty qalalarynyń kólik jelisine áýe taksıdi ıntegrasııalaý josparlanyp otyr.
«Qazaqstan ınnovasııalyq kóliktiń bolashaǵyna qadam basyp keledi. Elektrli eVTOL ushaqtaryn satyp alý – smart qalalar men zamanaýı tehnologııalardy engizý baǵytyndaǵy mańyzdy kezeń. Bul shara Alataý qalasyn bolashaqtyń joǵary tehnologııaly, biregeı qala retinde damytýǵa serpin beredi», dedi Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev.
Aqparat úshin: Joby Aero, Inc. (AQSh) – eVTOL avıasııa salasyndaǵy álemdik kóshbasshy, sertıfıkattalǵan elektrli áýe taksıleriniń ázirleýshisi.Vıacheslav Kım – Kaspi.kz dırektorlar keńesiniń tóraǵasy, «Alataý qalasy» jobasynyń ınvestory.Alatau Advance Air Group Ltd. – Qazaqstandaǵy áýe mobıldiligi tehnologııalarynyń operatory jáne ıntegratory.