Qyzyq, tarıhtaǵy kóp soǵys bolmashy ǵana dúnıeden bastalǵan eken. Mysaly, 1325 jyly Italııanyń Modena men Bolonıa qalalary arasyndaǵy soǵysqa shelek sebep bolǵan.
Modenalyq sarbazdar Bolonıa qalasyna basa-kóktep kirip, qudyqtaǵy shelekti alyp ketedi. Bolonıa turǵyndary muny namysqa tıetin áreket dep qabyldap, qarýly, qaqtyǵys jarııalaıdy. Nátıjesinde, eki jaqtyń myńdaǵan jaýyngeri maıdanǵa shyǵyp, Zappolıno mańynda shaıqas ótedi. Soǵys saldarynan 2000-nan astam adam qaza tabady. Al urlanǵan shelek jeńimpaz Modenanyń murajaıynda áli kúnge deıin saqtaýly tur.