Belgııanyń Antverpen qalasynda 2003 jyly aılasyna adam tańǵalarlyq urlyq jasalady. Biraq bir ǵana qatelik olardy áshkere qylady.
Qylmyskerler bank qoımasyndaǵy júzdegen almazdy qoldy etip, eshbir dabyldy iske qosylmaıtyndaı, barlyǵyn egjeı-tegjeı josparlaǵan. Olar tipti beınebaqylaý júıesin aınalyp ótip, polısııany adastyryp jibergen. Alaıda minsiz kóringen qylmys bir býterbrodtyń arqasynda ashylady. Urylardyń izin kesip ormandy aımaqqa kelgen detektıvter aıǵaq izdep, salıamımen jasalǵan býterbrodtyń qaldyǵyn jáne janynan túbirtegin taýyp alady. Polıseıler dúkendi anyqtap, sol jerden alynǵan beınejazbadan Leonardo Notarbartolony kóredi. Keıin saraptamada býterbrodtan dál sol adamnyń DNQ izi tabylady.