Turaqtylyq pen tatýlyq

Bıyl qosymsha 10 shtat bólinip, aýdan jáne qala deńgeılerinde teolog mamandar taǵaıyndalǵan. Buǵan deıin Panfılov aýdanynda 3 shtattyq birlikpen arnaıy bólim ashylyp, dinı saladaǵy jaýapkershilik pen jumystyń aýqymy arta túsken edi. Osylaısha, basqarmaǵa qaras­ty «Din salasyndaǵy máseleler­di zertteý jáne ońaltý ortalyǵy» kommýnaldyq mekemesiniń qury­lymy keńeıip, búginde 6 bólim, ­42 shtattyq birlikke jetti.

«Qazir oblys aýmaǵynda 11 konfessııany qamtıtyn 269 dinı birlestik pen fılıal resmı tirkelgen. Onda 342 dinı qyzmetker eńbek etedi, onyń ishinde 265-i – ımam, 77-si – hrıstıandyq jáne ózge de dinı baǵyttaǵy qyzmetshi. Mıssıonerlik qyzmetke ruqsat alǵan 13 azamat bar. Jyl basynan beri olardyń qataryna taǵy 2 mıssıoner qosyldy. Búginde olar­dyń 11-i – shetel azamaty, al ekeýi – el azamaty. Qyzmet baǵyt­tary ár­túrli: 1 – pravoslavıe, ­8 – katolısızm, 4 – presvıterıan­dyq shir­keý. Aıta keterligi, mıssıo­ner­ler tarapynan zań buzý derek­teri tirkelmedi», deıdi oblystyq din isteri basqarmasynyń basshysy Saǵynysh Jańabaı.

Kerisinshe, oblystyq til oqý-ádistemelik ortalyǵymen bir­lese otyryp, basqarmanyń bastama­symen mıssıonerler men pro­testanttyq baǵyttaǵy shirkeýlerdiń qyzmetkerlerine qazaq tilin úıretý, ulttyq mádenıetti dáripteý isi qolǵa alynǵan. Sonymen qatar bilikti mamandardy tartý maqsatynda 8 ımam óńir meshitterine qyzmetke ornalasqan. Odan bólek, ımamdar korpýsyn kásibı turǵyda jetildirý úshin 125 adamdy qamtyǵan arnaıy oqytý kýrstary uıymdastyrylǵan.

О́ńirde konfessııaaralyq ke­lisimdi saqtaý, ony odan ári ny­ǵaıtý maqsatynda Dinı birlestik jetekshileriniń klýby tabysty jumys istep keledi. Bul alań túrli din ókilderiniń bas qosyp, ózekti máselelerdi birlese talqylaýyna múmkindik berip otyr. Klýb aıasynda jyl saıyn júzdegen mazmundy is-shara uıymdastyrylady. Ne­gizgi otyrystarmen qatar, tarıhı saparlar, sporttyq saıystar, «Taza Qazaqstan» aksııasy aıa­syn­daǵy qoǵamdyq jumys pen aǵash otyrǵyzý sııaqty ıgilikti bas­tamalarǵa din qyzmetkerleri bel­sendi atsalysyp jatyr.

Memleket basshysy atap ót­kendeı, órkenıetter arasyndaǵy baı­lanystardy damytýda, qoǵam men adam arasyndaǵy senimdi ny­ǵaıtýda dinbasylardyń róli aıry­qsha. Bul baǵytta jergilikti din je­tekshileri de óz jamaǵattarymen el birligi jolynda aıanbaı eńbek etip keledi.

«Jaqynda «Zań jáne tártip: Qo­ǵamdaǵy turaqtylyq pen ádil­dik» atty jıyn ótti. Kezdesýde din­basylar jamaǵat arasynda pat­rıottyq tárbıeni kúsheıtý máse­lesin talqylady. Buǵan qosa, Tal­dy­qorǵan qalasyndaǵy ortalyq «Iman» meshitinde ótken Quran Kárimdi jatqa jáne mánerlep oqý boıynsha XIV respýblıkalyq baıqaý boldy. Eki kúnge sozylǵan saıysqa elimizdiń túkpir-túkpirinen 80 úmitker qatysyp, Qurannyń 10, 20 jáne 30 parasyn jatqa oqý jáne mánerlep oqý boıynsha baq synady. Baıqaýdyń saltanatty ashylýyna bas múftı Naýryzbaı qajy Taǵanuly arnaıy kelip, qa­tysýshylarǵa sáttilik tilep, úzdik shyqqan jeńimpazdardy marapattady», deıdi S.Jańabaı.

Bas múftı Jetisýǵa sapary barysynda oblystyń ımamdar qaýymymen kezdesip, QMDB-nyń 35 jyldyq mereıtoıyna oraı din salasynda uzaq jyldar boıy abyroıly eńbek etken ımamdar­dy merekelik medaldermen mara­pattaǵan. Sondaı-aq óńirdiń áıgili bıleri men batyrlarynyń rýhy­na Quran baǵyshtap, qasıetti oryn­darǵa zııarat jasady.

Jaqynda Taldyqorǵanda el tarıhynda tuńǵysh ret «Rýhanı keli­sim joly: Sezd ıdeıalaryn júzege ­asyrý» taqyrybynda din­tanýshylar men dinı birlestikter jetekshileri­niń respýblıkalyq forýmy ótti. ­Bul jıyn – álemdik jáne dástúrli din­der kósh­bas­shylarynyń VIII se­zin­de kóte­rilgen ıdeıalardy el ishin­de na­sıhattaýǵa arnalǵan mańyz­­dy basqosý boldy. Onda elimizdegi dinı kelisim men turaqtylyqty odan ári nyǵaıtý, dinı saıasattaǵy ǵylymı-praktıkalyq tájirıbeni jetildirý máseleleri talqylandy.

«Jyl basynda oblystyq aq­pa­rattyq-túsindirý tobynyń (ATT) quramy qaıta jasaqtalyp, ju­mys sapasyn arttyrý úshin mú­she­ler sany 67-den 55-ke deıin qys­qartyldy. Bul ózgeris mamandar quramynyń kásibıligi men tıimdiligin arttyrýǵa baǵyttal­dy. 2023–2025 jyldarǵa arnalǵan ­ekstremızm men terrorızmge qar­sy is-qımyldyń keshendi jos­pa­ry aıasynda oblys kóleminde 4 576 is-shara ótkizildi. Olarǵa shamamen ­96 myńnan asa turǵyn qamtyldy, ­onyń ishinde 3 714 kezdesý táýekel ­top­tar arasynda uıymdasty­ryl­dy», deıdi basqarma basshysy.

Búginde Din isteri basqarma­sy janyndaǵy ortalyq bazasynda qurylǵan «JetisuLive» stýdııa­sy óz jumysyn jalǵastyryp jatyr. Jyl ishinde stýdııada túrli taqy­ryptardy qamtyǵan 42 podkast túsirilip, olar «YouTube» vıdeo­hos­tıngindegi «JetisuDin» arnasyna júkteldi. Buǵan qosa «Babalar izimen – izgilikke bastaý», «Qylyshsyz maıdan» baǵdarlamalary men «Abaı úni» aıdary ashylyp, júzden asa beınematerıal kórermenge jol tartty. «Qylyshsyz maıdan» telejobasy «Jetisý» telearnasymen birlesip ázirlenip, oblys halqynyń shamamen 70 paıyzyn qamtydy. Buqaralyq aqparat quraldary da dinı baǵyttaǵy aqparattyq ju­mystan tys qalǵan joq. Jyl ishinde 180 maqala jaryq kórdi.

Facebook, TikTok, Instagram jeli­lerindegi res­mı paraqshalar men 87 myńnan asa jazylýshysy bar «JetisuDin» YouTube arnasynda turaqty túrde aqparattyq materıaldar jarııalanyp keledi. Onda 2 939 materıal júktelgen. Jyl basynan beri turǵyndarǵa 6 104 SMS habarlama jiberilip, 1 106 qońyraý shalyndy. Sonyń nátıjesinde 1 158 qoldanýshy kúmándi toptardan shyqqan.

Bir áttegen-aıy, óńirde jeke paraqshalarynda radıkaldy ıdeo­logııany ashyq nasıhattaǵan 7 azamat anyqtalǵan. Onyń ekeýine Ákimshilik quqyq buzýshylyq týraly kodekstiń 453-baby, 2-tarmaǵy boıynsha aıyppul salynǵan. Úsh azamat óz erkimen paraqshalaryn joıyp, ekeýi ózge óńirlerge qonys aýdarǵan. Budan bólek, «Kıberqadaǵalaý» júıesine 3 065 paraqsha buǵattaýǵa joldanyp, onyń 573-i tolyq buǵattalǵan.

Jalpy, Jetisý topyraǵy – ejelden rýhanııattyń, tatýlyq pen tózimdiliktiń mekeni. Osyndaı ıgi sharalar men ózara túsinistikke negizdelgen júıeli jumystardyń nátıjesinde óńirde dinı turaq­tylyq saqtalyp, rýhanı kelisimniń týy bıikten jelbirep keledi.

Jetisý oblysy