AQTО́BE. 24 maýsym. Aqtóbe qalalyq ákimdiginde bir top jas memlekettik qyzmetkerdiń ant qabyldaý rásimi bolyp ótti. Bul týraly egemen.kz tilshisi habarlady.
«Búgin ant qabyldaǵan jas mamandardyń barlyǵy memlekettik qyzmetke qoldanystaǵy zańnamaǵa sáıkes konkýrstyq negizde qabyldandy. Olar júrgizilgen áńgimelesý nátıjesi boıynsha konkýrstyq komıssııanyń oń sheshimin alǵan qyzmetkerler, – deıdi qala ákimi apparaty personaldy basqarý biryńǵaı qyzmetiniń basshysy Saltanat Baekenova.
Ant qabyldaýshylardyń arasynda 2010 jyly ekonomıst-býhgalter mamandyǵy boıynsha dıplom alǵan Áıgerim Bısembına da bar. Ol endi qalalyq jumyspen qamtý jáne áleýmettik baǵdarlamalar bóliminiń bas mamany. Áıgerim Beısembınamen qatar, qalalyq ishki saıasat jáne sáýlet, qala qurylysy bólimderi men Blagodar aýyldyq okrýgi ákimi apparatynyń bas mamandary da ant qabyldady.
Shara barysynda qala ákimi apparatynyń basshysy Joldas Orazaev jas memlekettik qyzmetkerlerdi quttyqtap, olarǵa eńbekterinde kásibı biliktilik pen tabystar tiledi.
Satybaldy Sáýirbaı.
Derek: egemen.kz.
Sýret: aktobegazeti.kz.