Jańa Salyq kodeksi (2026 jyly kúshine enedi) sheńberinde elimizde jeńildetilgen jáne bólshek salyq rejımderi 4% mólsherlememen biriktiriledi. Sol oraıda Almaty qalasy ákimdigi kásipkerlerge qosymsha qoldaý kórsetip, bıznes júrgizýge qolaıly jaǵdaı jasaý bastamasyn kóterip otyr, dep jazady Egemen.kz.
Qala ákimi Darhan Satybaldynyń tóraǵalyǵymen ótken keńes qorytyndysy boıynsha, 2026 jyldan bastap jańa jeńildetilgen salyq rejımin qoldanatyn barlyq kásipkerler úshin tıimdi mólsherlemeni 3% deńgeıinde belgileý týraly máseleni Máslıhattyń qaraýyna shyǵarý jóninde sheshim qabyldandy.
Ákimdiktiń málimetinshe, atalǵan shara shaǵyn jáne orta bıznestiń salyqtyq turaqtylyǵyn saqtaýǵa, qosymsha ınflıasııalyq táýekelderdiń aldyn alýǵa jáne B2C-segmenttegi nysandardy – úı mańyndaǵy dúkenderdi, shashtarazdardy, sheberhanalardy jáne turmystyq qyzmet kórsetý oryndaryn qoldaýǵa múmkindik beredi.