Dýbaı qalasynda ornalasqan álemdegi eń bıik qonaqúı – Ciel Dubai Marina alǵashqy qonaqtaryn qarsy aldy. Ǵımarat bıiktigimen jáne keremet ınfraqurylymymen týrısterdi tánti etpek, dep habarlaıdy Egemen.kz.
Bıiktigi 377 metr bolatyn Ciel Dubai Marina qonaq úıinde 82 qabat jáne 1 004 bólme qarastyrylǵan. Qonaq úıde azııalyq, jerorta teńizi jáne úı taǵamdaryn qosa alǵanda, birneshe meıramhana bar.
Sonymen qatar qonaq úıde álemdegi eń bıik panoramalyq basseın – Tattu Sky spa-ortalyǵy bar. Ǵımarattyń 76-qabatynda ornalasqan basseın qaladan 310 metr bıiktikte kóz tartady. Sondaı-aq 61-qabatta spa-ortalyq jáne táýlik boıy jumys isteıtin jattyǵý zaly bar. Qonaqtarǵa Soluna Beach Club jaǵajaı klýbyna tegin transfer usynylady, ol jasandy Palma-Djýmeıra aralynda ornalasqan. Jobanyń quny – 544 mıllıon dollar.
The National málimetinshe, Dýbaıda álemdegi eń bıik qonaq úılerdiń segizi ornalasqan. Solardyń ishinde áıgili «Burj Al Arab» qonaq úıi de bar, onyń bıiktigi 321 metrdi quraıdy.