Qyzylordalyq polıseıler «Brakoner» jedel-profılaktıkalyq is-sharasy barysynda 105 quqyq buzýshylyqty anyqtapty. Onyń úsheýi qylmystyq, qalǵany ákimshilik jaýapqa tartylǵan. Kúdiktilerden balyq, aý, túrli qural-saımandar men 12 qarý aıǵaq zat retinde alynyp otyr, dep jazady Egemen.kz.
Qazir qylmystyq iske qatysty sotqa deıingi tergeý amaldary bastalyp ketti. Qazan aıynyń 20-sy men qarasha aıynyń 19-y kúnderi aralyǵynda oblys kóleminde ótip jatqan «Brakoner» jedel-profılaktıkalyq is-sharasy aıasynda anyqtalǵan quqyq buzýshylyqtardyń deni ań-qus atý men balyq aýlaýǵa qatysty bolyp otyr.
Polısııa departamenti turǵyndardy ańshylyq jáne qarý aınalymy salasyndaǵy zań talaptaryn qatań saqtaýǵa shaqyrady.