2020 jyly joǵalyp ketken azamattyń Astanadaǵy týystary onyń qaıda ekenin tapqan adamǵa úsh mıllıon teńge syıaqy usynyp otyr. Joǵalǵan adamǵa qatysty aqparat QANAT eriktiler qozǵalysynyń Instagram paraqshasynda jarııalandy, dep habarlaıdy Egemen.kz.
Armın Nazar Rájuly, 1996 jyly týǵan, 2020 jyldyń 6 qazanynda joǵalyp ketken. Shamamen saǵat 16:00-de ol Gabdýllın kóshesi 6/1 mekenjaıyndaǵy úıinen shyǵyp, beımálim baǵytqa ketip, sodan beri habar-osharsyz ketken.
Belgileri: boıy 186 santımetr, shashy qara, kózi qońyr, oń kóziniń astynda meńi bar, aryqsha deneli.
Kıgen kıimi: sary jeıde, sur sporttyq shalbar, sur shulyq. Aıaq kıimsiz bolǵan.
Izdeýshilerdiń aıtýynsha, joǵalǵan adam baǵdarynan jańylǵan.