Shymkent qalasynyń Abaı aýdanyna qarasty Qyzyljar-2 shaǵynaýdanyna tolyq ınfraqurylym júrgizildi, dep habarlaıdy Egemen.kz.
Qyzyljar-2 shaǵyn aýdanynda buǵan deıin tabıǵı gaz bolmaǵan, aýyz sý jarytymsyz, jaryq ta jıi sónip qalatyn. Osyǵan oraı eldi meken halqy másele kótergen edi. Sonyń nátıjesinde byltyr kóktemnen bastap shaǵynaýdanǵa ınfaqurylym tartyla bastady.
Alqap, Ordakent, Nurlykent, Syǵanaq, Tereńózek, Kólkent kósheleriniń turǵyndary osyǵan deıin sýdy tasymaldap iship, úılerin kómirmen jylytqan. Búgingi tańda 265 úıde ortalyqtandyrylǵan aýyz sý qubyry bar. Elektr qýaty boıynsha másele tolyǵymen joıyldy. Tabıǵı gaz qosylyp, halyq ıgiligin kórip jatyr.