Syrtqy ister mınıstri Ermek Kósherbaev, Qaýipsizdik Keńesiniń Hatshysy Ǵızat Nurdáýletov jáne Qorǵanys mınıstri Dáýren Qosanov keshe Bishkek qalasynda ótken Ujymdyq qaýipsizdik týraly shart uıymy (UQShU) Syrtqy ister mınıstrleri keńesiniń, Qorǵanys mınıstrleri keńesiniń jáne Qaýipsizdik keńesteriniń hatshylary komıtetiniń birlesken otyrysyna qatysty, dep habarlaıdy Egemen.kz.
Jıyn barysynda qatysýshylar halyqaralyq jáne óńirlik qaýipsizdiktiń ózekti máseleleri boıynsha jan-jaqty pikir almasty. Sondaı-aq UQShU-nyń 2025 jylǵy qyzmetiniń qorytyndylary, sondaı-aq Uıymnyń 2026 jylǵy jumysynyń perspektıvalyq baǵyttary talqylandy.
Keńes otyrysynda baıandama jasaǵan E.Kósherbaev uıymǵa múshe eldermen kúsh biriktirý arqyly zańsyz kóshi-qon, esirtki tasymaly, lańkestik pen ekstremızmniń aldyn alý baǵytyndaǵy elimizdiń ustanymdaryn jetkizdi. Sonymen birge, mınıstr Uıymdy odan ári damytý boıynsha birqatar usynystaryn ortaǵa salyp, óńirdegi qaýipsizdikti qamtamasyz etýde Almatyda ashylǵan BUU-nyń Ortalyq Azııa men Aýǵanstanǵa arnalǵan ornyqty damý maqsattary jónindegi óńirlik ortalyǵynyń áleýetin atap ótti.