Soltústik Qazaqstan oblysynda ata-analar Petropavldaǵy gımnazııa ashanasynda sanıtarlyq talaptyń saqtalmaýyna qatysty shaǵym túsirgen. О́ńir ákimdigi osy shaǵym negizinde aımaq mektepteriniń ashanasy túgel tekseriletinin habarlady, dep jazady Egemen.kz.
Tekserýge qaladaǵy «Abaı» atyndaǵy mamandandyrylǵan mektep-gımnazııa ashanasynda taraqandardyń órip júrýi men tamaq sapasynyń syn kótermeýi túrtki bolǵan.
О́zi basqaryp otyrǵan mektep ashanasynda tıisti deńgeıde qadaǵalaý jasamaǵan dırektor qyzmetinen bosatyldy.
«Oqýshylardy tamaqtandyrý qyzmetin kórsetken kásipkermen kelisimshartty buzý rásimi bastaldy. Jaqyn arada mekteptegi tamaqtandyrý qyzmetterin kórsetýge arnalǵan jańa konkýrs jarııalanady», delingen ákimdik taratqan habarlamada.
Qazir osy máselege qatysty aımaq ákiminiń tapsyrmasymen vedomstvoaralyq komıssııa qurylǵan.