Kólik mınıstri Nurlan Saýranbaev Úkimet otyrysynyń qorytyndysy boıynsha ótken baspasóz máslıhatynda Memleket basshysynyń tapsyrmalary aıasynda temirjol salasynda júzege asyrylyp jatqan ınfraqurylymdyq jobalar týraly aıtty, dep jazady Egemen.kz.
Ol temirjol jelisinde Dostyq – Moıynty jobasy aıaqtalǵanyn habarlady. Sondaı-aq Almaty qalasynyń aınalma temirjol jobasy aıaqtalýǵa jaqyn.
«Budan bólek jańa logıstıkalyq múmkindikter ashatyn Moıynty – Qyzyljar, Maqtaral – Darbaza jáne Aıagóz – Baqty temirjol ýchaskeleriniń qurylysy júrýde. Memleket basshysynyń tapsyrmasyna sáıkes 2029 jylǵa deıin 11 myń shaqyrym temirjol ýchaskesinde jóndeý jumystary josparlanǵan», dedi Nurlan Saýranbaev.