2014 jylǵy 15 jeltoqsan, Astana qalasy
Kedendik baqylaý maqsattary úshin Qazaqstan Respýblıkasy memlekettik kirister organdarynyń sý jáne áýe kemelerin paıdalaný qaǵıdasyn bekitý týraly
«Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 196-babynyń 3-tarmaǵyna sáıkes, sondaı-aq Qazaqstan Respýblıkasy Qarjy mınıstriniń 2014 jylǵy 26 qyrkúıektegi № 417 buıryǵymen bekitilgen, Qazaqstan Respýblıkasy Qarjy mınıstrligi Memlekettik kirister komıteti Erejesiniń 16-tarmaǵynyń 28) tarmaqshasyna sáıkes, buıyramyn:
1. Qosa berilip otyrǵan Kedendik baqylaý maqsattary úshin Qazaqstan Respýblıkasy keden organdarynyń sý jáne áýe kemelerin paıdalaný qaǵıdasy bekitilsin.
2. Qazaqstan Respýblıkasy Qarjy mınıstrligi Memlekettik kirister komıtetiniń Kedendik baqylaý departamenti zańnamamen belgilengen tártipte:
2. Qazaqstan Respýblıkasy Qarjy mınıstrligi Memlekettik kirister komıtetiniń Kedendik baqylaý departamenti zańnamamen belgilengen tártipte:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryqty memlekettik tirkelengennen keıin kúntizbelik on kún ishinde ony resmı jarııalaýǵa merzimdik baspa basylymdaryna jáne «Ádilet» aqparattyq quqyqtyq júıesine joldaýdy;
3) osy buıryqty Qazaqstan Respýblıkasy Qarjy mınıstrliginiń ınternet-resýrstarynda jarııalanýyn qamtamasyz etsin.
3. Osy buıryq memlekettik tirkelengennen keıin kúntizbelik on kún ótken soń qoldanysqa enedi.
Qazaqstan Respýblıkasy Qarjy mınıstrliginiń
Memlekettik kirister komıtetiniń tóraǵasy D.ERǴOJIN.
Qazaqstan Respýblıkasynyń Qarjy mınıstrligi Memlekettik kirister komıteti tóraǵasynyń
2014 jylǵy 15 jeltoqsandaǵy №91 buıryǵymen bekitilgen
Kedendik baqylaý maqsattary úshin Qazaqstan Respýblıkasy keden
organdarynyń sý jáne áýe kemelerin paıdalaný qaǵıdasy
1. Jalpy erejeler
1. Osy Qaǵıda «Qazaqstan Respýblıkasyndaǵy keden isi týraly» 2010 jylǵy 30 maýsymdaǵy Qazaqstan Respýblıkasy Kodeksiniń 196-babynyń 3-tarmaǵyna sáıkes ázirlendi jáne kedendik baqylaý maqsattary úshin keden organdarynyń sý jáne áýe kemelerin paıdalanýdyń tártibin belgileıdi.
2. Qazaqstan Respýblıkasynyń aýmaqtyq sýlary (teńizi) jáne ishki sýlary sheginde, sondaı-aq keden odaǵynyń kedendik shekarasyna irgeles aýmaqta taýarlar men kólik quraldaryn kedendik baqylaý keden organdarynyń sý jáne áýe kemelerin paıdalanýmen júzege asyrylady.
2. Keden organdarynyń sý jáne áýe kemelerin kedendik
baqylaý maqsattarynda paıdalaný tártibi
3. Sý jáne áýe kemelerin Qazaqstan Respýblıkasynyń keden organdary:
1) Qazaqstan Respýblıkasynyń kedendik aýmaǵynyń mejeli aýdanynda baqylaýdaǵy taýarlardyń tasymaldanýyn, olarmen júk jáne ózge operasııalardyń jasalýyn qadaǵalaý;
2) zańnamaǵa sáıkes keden isi salasyndaǵy quqyq buzýshylyqtardyń aldyn alý, jolyn kesý jáne anyqtaý, sondaı-aq kontrabandaǵa jáne ózge qylmystarǵa qarsy kúres boıynsha is-sharalarǵa qatysý;
3) kólik quralynda kedendik baqylaýǵa jatatyn taýarlar zańsyz ótkiziledi dep sanaýǵa jetkilikti negizdeme bar bolsa, ony toqtatý;
4) tekserip qaraý toptaryn baǵyttaýdy jáne olardy áýeden, kedendik baqylaýǵa jáne kedendik deklarasııalaýǵa jatatyn taýarlar bar kólik quraldaryna túsirýdi júzege asyrý;
5) tekserip qaraý toptaryn, Qazaqstan Respýblıkasy keden organdarynyń laýazymdy adamdaryn kedendik baqylaý jáne kedendik deklarasııalaý oryndaryna jetkizý (túsirý);
6) Qazaqstan Respýblıkasy keden organdarynyń, keden odaǵyna múshe memleketter keden organdarynyń jáne halyqaralyq keden uıymdaryn Keden odaǵynyń kedendik aýmaǵy arqyly taýarlardy zańsyz ótkizýge qarsy kúres jónindegi birlesken is-sharalaryna qatysý;
7) Qazaqstan Respýblıkasynyń zańnamasynda keden organdaryna júktelgen kedendik baqylaýdy júzege asyrý jónindegi ózge fýnksııalardy oryndaý úshin paıdalanady.
4. Kedendik baqylaý maqsaty úshin keden organdarynyń sý jáne áýe kemelerin paıdalanýy kezinde keden organdary qyzmetkerlerinen jáne tıisti biliktiligi bar mamandardan turatyn sý jáne áýe kemeleri ekıpajdary qurylady.
5. Kedendik baqylaý maqsattary úshin keden organdarynyń sý jáne áýe kemelerin paıdalaný mynadaı tártippen júzege asyrylady:
1) keden organy basshynyń ne ony almastyratyn adamnyń sý nemese áýe kemelerin paıdalaný týraly sheshim qabyldaýy;
2) qozǵalys baǵytyn jáne ekıpajdyń quramyn aıqyndaý;
3) sý jáne áýe kemelerin daıyndaý;
4) ekıpajdyń aldyna qoıylǵan kedendik baqylaý mindetterin oryndaý.
6. Qazaqstan Respýblıkasynyń keden organdary sý jáne áýe kemelerin paıdalana otyryp kedendik baqylaýdy júzege asyrý kezinde sý jáne áýe kemelerin paıdalaný jónindegi Qazaqstan Respýblıkasynyń qoldanystaǵy normatıvtik quqyqtyq aktilerin basshylyqqa alady.
7. Keden organdarynyń sý kemeleri atalǵan qurylystar ıeleriniń kelisimi boıynsha belgilengen tártippen pırsterde, aılaqtarda ornalastyrylady.
8. Keden organdarynyń áýe kemeleri belgilengen tártippen memlekettik, azamattyq jáne eksperımenttik avıasııanyń áýeaılaqtaryna (tikushaq aılaqtaryna) qaramaǵynda atalǵan obektiler bar ýákiletti organdarmen kelisim boıynsha ornalastyrylady.
9. Sý jáne áýe kemelerine qyzmet kórsetý men kúzetýdi keden organdarynyń personalymen qatar, menshik nysanyna qaramastan, atalǵan qyzmetterdi sharttar negizinde kórsetetin tıisti uıymdardyń kúshteri jáne quraldary júrgizedi.
10. Keden organdarynyń áýe kemeleri azamattyq avıasııanyń áýeaılaqtary men áýejaılarynda jáne kólik salasynda memlekettik saıasatyn iske asyrýyn júzege asyratyn ýákiletti memlekettik organnyń qaramaǵyndaǵy birlesip ornalastyrý áýeaılaqtarynda ornalastyrylǵan jáne olarǵa qyzmet kórsetilgen kezde avıasııalyq qaýipsizdikti qamtamasyz etý jónindegi barlyq sharalar kesheni azamattyq avıasııa salasyndaǵy normatıvtik quqyqtyq aktilerge sáıkes júzege asyrylady.
11. Ushýdy ushýdyń tıisti jaǵdaılarynda osy úlgidegi áýe kemesinde ushýǵa daıyndalǵan jáne ruqsat etilgen, jaraqtalǵan ekıpajdar aqaýy joq áýe kemelerinde oryndaıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 16 qańtardaǵy Normatıvtik quqyqtyq kesimderdi memlekettik tirkeýdiń tizilimine №10094 bolyp engizildi.