Mańǵystaý oblysy Túpqaraǵan aýdany Aqshuqyr mektep-lıseıiniń pedagogy oqýshynyń bolashaq mamandyǵyn tańdaýyna kómektesetin bot ázirledi, dep habarlaıdy Egemen.kz.
Mektepte pedagog-kásibı baǵdar berýshi bolyp qyzmet atqaratyn Nazerke Jantańatova «PROF-Guide» jobasyn jasap shyǵardy. Joba oqýshylarǵa mamandyq tańdaý boıynsha naqty jáne júıelengen aqparat usynyp, ata-ana – maman – oqýshy arasyndaǵy baılanysty nyǵaıtýdy kózdeıdi.
Onda kásibı baǵdarlaý boıynsha testter jıyntyǵy, mamandyq tańdaýǵa arnalǵan keńester, beıindik pánderge sáıkes mamandyqtar, Qazaqstandaǵy JOO jáne kolledjder, jańa mamandyqtar týraly naqty aqparattar toptastyrylǵan.
«Sońǵy ýaqytta oqýshylardyń «Qaı mamandyqty tańdasam eken?», «Granttar týraly aqparatty qaıdan tapsam bolady?» degen suraqtardy jıi qoıyp júrgenin baıqadym. Mundaı saýaldar kóbeıgen saıyn kásibı baǵdar berý jumysyn jeńil ári qoljetimdi etý qajettiligi artty. Sol sebepti oqýshylarǵa naqty baǵyt beretin «PROF-Guide» atty Telegram botyn jasadym», deıdi Nazerke Jantańatova.
Bul tek avtomatty júıe emes. Oqýshylar men ata-analar óz suraqtaryn bot arqyly joldap, joba avtorynan óz suraqtaryna jaýap ala alady.