Elimizde muǵalimderge ákimshilik júktemeni azaıtý úshin oqý prosesine jasandy ıntellekt quraldaryn júıeli engizý bastaldy. Bul týraly Úkimettiń qorytyndy baspasóz konferensııasy aıasynda Oqý-aǵartý vıse-mınıstri Asylbek Ahmetjanov málimdedi, dep jazady Egemen.kz.
Ol Memleket basshysynyń tapsyrmasy boıynsha JI-di ekonomıka men áleýmettik salaǵa ıntegrasııalaý boıynsha 240 myńnan astam pedagog prompt-ınjınırıng daǵdylary negizinde bilim alǵanyn atap ótti.
«Jasandy ıntellekt ustazdy almastyrýshy emes, onyń kómekshisi. Bizdiń mindetimiz – pedagogterge kúndelikti júktemeni azaıtý úshin JI-di engizý», dedi Asylbek Ahmetjanov. «Keleshek mektepteri» jobasy negizinde JI-repetıtor, JI-emtıhan alýshy jobalary synaqtan ótkizilip jatyr. Osy sheshimderdi qaýipsiz túrde qoldaný deńgeıin arttyrý úshin salalyq mınıstrlik «QazTech» memlekettik platformasynda barlyq bilim berý deregin ornalastyryp jatyr.