Balaýsa kezinen taǵdyr taýqymetin tartqan balalar úshin jańa jyldyq shyrshanyń jóni bólek. Ásirese Aıaz atanyń qolynan syılyq alyp, qýanǵan sáti jan tebirentedi.
Munaıly shaharda «18 jasqa deıingi múgedektigi bar balalardy áleýmettendirý» jobasy júzege asyrylyp keledi. Atyraý qalalyq jumyspen qamtý jáne áleýmettik baǵdarlamalar bólimi atalǵan joba aıasynda jańa jyldyq shyrsha merekesin uıymdastyrdy. Kún saıyn ótken is-sharaǵa taǵdyr taýqymetin tartyp júrgen 250 bala qatysty. Osylaısha, tórt kúnde bir myń bala qamtyldy.
Osyǵan oraı meıramhana zaly arnaıy bezendirildi. Aıaz ata men Aqsha qar, anımatorlar men ertegi keıpine engender qabaǵyna kirbiń uıalaǵan balalardyń janyn jadyratty. Merekelik dastarqanǵa balalar unatatyn taǵamdar qoıylyp, syılyqtar tabys etildi.
Bul merekege balasyn ákelgen ata-ananyń biri – Bıbigúl Jumaǵalıeva. Onyń on bir jastaǵy uly Sartaı osyndaı is-sharaǵa qatysqandy unatady.
«Ár ata-ana balasynyń qýanǵanyn, jadyrap júrgenin qalaıdy. Balamdy túrli is-sharadan qaldyrmaýǵa tyrysamyn. О́ıtkeni erekshe balalar da ózgelermen aralasqysy, oınaǵysy keledi», deıdi B.Jumaǵalıeva.
Atyraý oblysy