Memleket basshysynyń óńdeý ónerkásibin damytý jónindegi tapsyrmasy aıasynda Almaty oblysynda halyqaralyq deńgeıdegi jańa zaýyt boı kóteredi. Premer-mınıstr Oljas Bektenov tıisti qaýlyǵa qol qoıdy, dep habarlaıdy Egemen.kz.
Aýyl sharýashylyǵy mınıstrligi men «Mars Petcare Kazakhstan» JShS arasyndaǵy kelisim boıynsha, jańa zaýyt Qonaev qalasynda salynbaq. Jobanyń basty maqsaty – ımportqa táýeldilikti azaıtyp, elimizde qosylǵan quny joǵary ónim óndirisin jolǵa qoıý.
Jobanyń negizgi kórsetkishteri: 88,8 mlrd teńgeden astam ınvestısııa; Jylyna 100 myń tonna daıyn ónim; 200 jańa jumys orny ashylady (onyń keminde 85%-y jergilikti mamandar bolady); Qurylys jumystary men nysandy paıdalanýǵa berý 2030 jyldyń sońyna deıin aıaqtalyp, zaýyt 2031 jyldyń 1 qańtarynan bastap tolyq jumys isteıdi.Bul kásiporyn tek aımaqtyń ǵana emes, búkil elimizdiń óńdeý ónerkásibine serpin bermek. Investor mamandardy oqytý men biliktiligin arttyrýdy da óz moınyna alyp otyr.
«Jobany júzege asyrý ımportty almastyrýǵa jáne óńirde turaqty óndiristik bazany qalyptastyrýǵa múmkindik beredi», dep habarlady Úkimettiń baspasóz qyzmeti.