Qazaqstanda ómir súrý uzaqtyǵy 75,4 jasqa jetip, el tarıhyndaǵy rekordtyq kórsetkishterdiń birin kórsetti, dep habarlaıdy Egemen.kz.
Densaýlyq saqtaý mınıstrligi ótken jyldyń qorytyndysyn shyǵaryp, júıeli reformalardyń nátıjelerin jarııalady. Memleket basshysynyń qoldaýymen júzege asqan sharalardyń arqasynda elimiz BUU-nyń Adamı damý ındeksinde birden 7 satyǵa joǵarylaǵan.
Statıstıkalyq málimetterge súıensek, eldegi jalpy ólim deńgeıi 2,6%-ǵa, al náreste ólimi 18,7%-ǵa tómendegen. Bul kórsetkishterge salany qarjylandyrýdy 3 esege ulǵaıtý arqyly qol jetkizildi: 2025 jyly medısına bıýdjeti 3 trıllıon teńgeni qurady.
Jyl boıy aýyldyq jerlerde 655 jańa nysan (feldsherlik-akýsherlik pýnktter men ambýlatorııalar) iske qosylyp, úsh iri respýblıkalyq klınıka paıdalanýǵa berildi. Sonymen qatar onkologııalyq aýrýlarmen kúreste mańyzdy qadam jasalyp, elimizde alǵashqy protondyq terapııa ortalyǵy ashyldy.
«Salanyń basty qundylyǵy – adam. Biz medısına qyzmetkerlerin qoldaýdy júıeli túrde kúsheıtip kelemiz jáne sapaly ári qoljetimdi medısınalyq kómektiń árbir azamatqa jaqyn bolýyn qamtamasyz etý baǵytyndaǵy jumysty jalǵastyra beremiz», delingen mınıstrlik habarlamasynda.