Qarjylyq monıtorıng agenttigi (QMA) Biryńǵaı jınaqtaýshy zeınetaqy qorynan (BJZQ) azamattardyń zeınetaqy jınaqtaryn zańsyz shyǵarý deregi boıynsha tergeý jalǵasyp jatqanyn málimdedi. Tergeý stomatologııalyq klınıkalardyń basshylary men ózge de tulǵalarǵa qatysty júrgizilip jatyr, dep habarlaıdy Egemen.kz QMA málimetine silteme jasap.
10-20% syıaqy
Zeınetaqy jınaqtary stomatologııalyq qyzmet kórsetý týraly jalǵan kelisimsharttar jasaý jáne qoldan jasalǵan medısınalyq qujattardy usyný arqyly sheship alynǵan. Bul zańsyz shemaǵa kómekteskeni úshin kúdiktiler alynǵan qarajattyń 10-20 %-y kóleminde syıaqy ustap otyrǵan.
42 stomatologııa
Qylmystyq shemaǵa 42 stomatologııalyq klınıka qatysyp, jalpy somasy 200 mlrd teńgeden astam qarajatty zańsyz shyǵarǵan. Qylmystyq jolmen alynǵan tabysqa kúdiktiler qymbat jyljymaly jáne jyljymaıtyn múlik satyp alǵan, sondaı-aq shynaıy ıelerin jasyrý maqsatynda úshinshi tulǵalardyń atyna rásimdelgen jańa stomatologııalyq klınıkalar ashqan.
Zeınetaqy tólemderi salyqtan bosatylyp, kópbalaly otbasylarǵa shegerimder engizildi
Zańsyz tólemder
Tergeý barysynda 11 kúdikti 2 aı merzimge qamaýǵa alyndy, al taǵy 3 adamǵa qatysty bultartpaý sharasy retinde úıqamaq belgilendi. Sonymen qatar, medısınalyq mekemelerdiń dárigerleri júıeli túrde zańsyz syıaqy alý úshin dárigerlik-konsýltasııalyq komıssııalardyń jalǵan qorytyndylaryn bergeni anyqtaldy. Bul zańsyz tólemderdiń jalpy somasy 30 mln teńgeni quraǵan.
«Zeınetaqy, járdemaqy, aıyppul»: 2026 jyl el turǵyndaryna qandaı ózgeris ákeledi?
Sotqa deıingi is
Atalǵan derekter boıynsha birneshe sotqa deıingi tergep-tekserý jumystary bastaldy.
Zeınetaqyny alý tártibi ózgerýi múmkin