2025 jylǵy jeltoqsan aıynda respýblıka boıynsha jańa turǵyn úıdiń ortasha baǵasy 1 sharshy metr úshin 571,2 myń teńgege jetken (qarashada – 568,8 myń teńge). Bul 2024 jyldyń osy aıymen salystyrǵanda 15,7%-ǵa joǵary. Baspana baǵasy ósýin jalǵastyryp jatyr, dep habarlaıdy Egemen.kz.
Ulttyq statıstıka bıýrosynyń derekterine sáıkes, eń joǵary baǵa – 22,9%-ǵa, 1 sharshy metr úshin 471,1 myń teńgege deıin Qonaev qalasynda tirkeldi. Sondaı-aq Pavlodarda – 22,9% (466,2 myń teńge), Almatyda – 19,8% (690,6 myń teńge), Astanada – 17,4% (671,2 myń teńge), Shymkentte – 15,6% (527,9 myń teńge) ósim baıqaldy.
Qaıtalama naryqta turǵyn úıdiń baǵasy bir jylda 14,6%-ǵa ósip, Qazaqstan boıynsha ortasha eseppen 1 sharshy metr úshin 594,7 myń teńgege jetip otyr (qarashada – 587,9 myń teńge).
Qaıtalama turǵyn úı Almatyda qymbattady – 25,4%-ǵa, 1 sharshy metr úshin 738,3 myń teńgege deıin.
Sondaı-aq baǵalar Aqtóbede – 18,2%-ǵa (363 myń teńge), Pavlodarda – 17%-ǵa (449,4 myń teńge) aıtarlyqtaı ósti.
Astanada páterlerdi qaıta satý baǵasy 10,9%-ǵa ósip, 1 sharshy metr úshin 720,4 myń teńgeni qurady, al Shymkentte – 10,9%-ǵa ósip, 466,9 myń teńgege jetti.
Sonymen qatar, el boıynsha jaldaý aqysy bir jylda 13,1%-ǵa qymbattap, 1 sharshy metr úshin 5 myń teńgege deıin ósti.
Jalǵa beriletin turǵyn úı Pavlodarda da qymbattady – birden 42,9%-ǵa (1 sharshy metr úshin 3,6 myń teńge), Petropavlda – 40,9%-ǵa (4,5 myń teńge), Aqtóbede – 30,4%-ǵa (3,2 myń teńge).
Almatyda jaldaý baǵasy bir jylda 11,6%-ǵa ósip, 1 sharshy metr úshin 5,9 myń teńgege jetti, Astanada – 11,9%-ǵa (5,5 myń teńge), Shymkentte – 12,9%-ǵa (4,2 myń teńge).
Eger aılyq ózgeristerdi (2025 jylǵy qarasha aıymen salystyrǵanda) qarastyrsaq, bastapqy naryqtaǵy turǵyn úı ortasha eseppen 0,4%-ǵa, qaıtalama naryq – 1,2%-ǵa, al jaldaý baǵasy – 2,1%-ǵa ósken.