«Otbasy banktiń» baspasóz qyzmeti 12 qańtar saǵat 19:00-den bastap enpf-otbasy.kz platformasynda biryńǵaı zeınataqy jınaqtary (BZJ) esebinen emdelýge ótinimder qabyldaý toqtatylǵanyn habarlady, dep jazady Egemen.kz.
«Otbasy banki» Densaýlyq saqtaý mınıstrligi jáne basqa da múddeli memlekettik organdarmen birlesip, BZJ esebinen medısınalyq qyzmetterdi alýǵa qoıylatyn talaptardy qaıta qaraıdy. Sondaı-aq zeınetaqy jınaǵyndaǵy shekten artyq somany maqsatsyz paıdalanýdy boldyrmaý úshin aqparattyq júıelerdi yqpaldastyrý tetikterin pysyqtaıdy», delingen banktiń baspasóz qyzmeti taratqan habarlamada.
Zeınetaqy jınaǵyn paıdalaný arqyly emdeýge ótinimderdi qabyldaýdy qaıta bastaýǵa qatysty talaptar túzetý aıaqtalǵannan keıin qosymsha habarlanady.
2026 jyly zeınetaqy jınaǵynyń shegi ózgeredi
Buǵan deıin «Otbasy bank» zeınetaqy qarjysyna kóz emdeýge tyıym salǵan edi.
Sondaı-aq zeınetaqy qarjysyn alý úshin dárigerler jalǵan qorytyndylar jasaǵany anyqtaldy.
Al qarjylyq monıtorıng agenttigi zeınetaqy qorynan tis emdeýge 200 mlrd teńge zańsyz shyǵarylǵanyn málimdedi.