Shymkent qalasynda Parlament Májilisiniń depýtattary, «AMANAT» partııasy fraksııasynyń músheleri Danabek Isabek pen Nursultan Baıtilesov jergilikti jastarmen kezdesti, dep jazady Egemen.kz.
Júzdesý barysynda Májilis depýtaty D.Isabek Parlamentte atqarylyp jatqan jumystarǵa toqtalyp, jastarǵa qatysty zańnamalyq bastamalar men qabyldanǵan sheshimder jóninde qysqasha baıandap berdi. Onyń aıtýynsha, jastardy qoldaý, olardyń áleýmettik jáne kásibı damýyna jaǵdaı jasaý – memleket saıasatynyń basym baǵyttarynyń biri.
«Parlamentte qabyldanyp jatqan zańdar eń aldymen halyqtyń, sonyń ishinde jastardyń ómir sapasyn jaqsartýǵa baǵyttalǵan. Jastardyń usynys-pikirleri árdaıym nazarda túspeıdi», dedi ol.
Jıyn barysynda belsendi jastar birqatar ózekti máseleler kóterdi. Atap aıtqanda, «Jastar praktıkasy» memlekettik baǵdarlamasy aıasynda alǵash ret jumysqa ornalasqan jastarǵa tólenetin qarjy kóleminiń tómen ekeni aıtylyp, ony arttyrýǵa yqpal etýdi surady. Sonymen qatar, jastardy kásipkerlikke baýlý, óz isin bastaýǵa qoldaý kórsetý baǵytyndaǵy jumystardy kúsheıtý jaıy sóz boldy.
Almaty oblysynda NEET sanatyndaǵy jastar sany azaıǵan
О́z kezeginde qala ákiminiń orynbasary Sársen Quranbek jańadan qurylǵan Jastar basqarmasynyń jumysyna toqtalyp, aldaǵy ýaqytta jastarǵa qatysty jobalar men bastamalardyń júıeli túrde júzege asyrylatynyn málimdedi.
Kezdesý sońynda jastar osyndaı ashyq formattaǵy basqosýlardyń jıi ótýi mańyzdy ekenin aıtyp, halyq qalaýlylaryna óz usynystaryn tikeleı jetkizýge múmkindik jasaǵandary úshin alǵystaryn bildirdi.