Bıylǵy jylytý maýsymy bastalǵaly elimizde 1 889 órt oqıǵasy tirkelgen. Bul ótken maýsymmen salystyrǵanda 12 paıyzǵa az bolǵanmen, qyzyl jalynnan keletin qaýip seıilgen joq. Tótenshe jaǵdaılar mınıstrligi О́rtke qarsy qyzmet komıteti tóraǵasynyń orynbasary Asqar Tóleshevtiń aıtýynsha, 2024 jyly órt 101 adamnyń ómirin qısa, 2025 jyldyń 1 qazanynda bastalǵan bıylǵy jylytý maýsymynda 87 adam qyzyl jalyn saldarynan ajal qushqan, dep jazady Egemen.kz.
TJM málimetinshe, jeke turǵyn úılerdegi órt oqıǵalary eń kóp tirkelgen óńirler qatarynda Shyǵys Qazaqstan, Almaty, Aqmola, Qaraǵandy jáne Qostanaı oblystary bar. Asqar Tóleshev atalǵan óńirlerde jylytý júıelerin paıdalaný kezinde qaýipsizdik talaptarynyń buzylýy jıi kezdesetinin atap ótti.
Túrkistan oblysyndaǵy órtten 12 adam qaza tapty: Oqıǵa ornynan foto men vıdeolar jarııalandy
«Jeke turǵyn úılerdegi órttiń basym bóligi pesh jabdyqtary men elektr jelilerin paıdalaný tártibiniń buzylýyna baılanysty shyǵady. Mysaly, peshter men murjalarda jaryqshaqtardyń paıda bolýy, pesh aldynda arnaıy qańyltyrdyń bolmaýy, elektr jelilerine shamadan tys júkteme túsýi, elektr symdary oqshaýlaýynyń buzylýy órttiń shyǵýyna sebep bolyp otyr», dedi О́rtke qarsy qyzmet komıteti tóraǵasynyń orynbasary Asqar Tóleshev.
Bıyl osy talaptardy saqtamaý saldarynan 768 órt oqıǵasy tirkelgen. Al 279 órt turǵyndardyń otty saqtyq sharalaryn elemeı qoldanýy men masań kúıde ne temeki qaldyǵyn tolyq sóndirmeýi saldarynan bolǵany anyqtalǵan.
2025 jyly el aýmaǵynda qandaı alapat órt oqıǵalary tirkeldi?
Áleýmettik osal toptaǵy azamattarǵa erekshe qoldaýTJM ókili profılaktıkalyq aksııalar aıasynda halyqtyń áleýmettik osal toptaryna keń kólemde kómek kórsetilip jatqanyn jetkizdi.
«Osy sanatqa jatatyn 108 myń turǵyn úı men 225 myńnan astam kópbalaly otbasy qamtyldy. Nátıjesinde myńdaǵan úıde pesh júıesi retke keltirilip, elektr jelileri jóndeldi», deıdi Asqar Tóleshev.
SQO-da úı órtendi: ákesi men balasy kóz jumdy, taǵy bir bala izdestirilip jatyr
Atap aıtqanda, 2,5 myńnan astam úıde peshpen jylytý júıesi qalpyna keltirilip, 12 myńnan asa tútin murjasy tazartylǵan. Mınıstrlik qoldaýymen 2,3 myń úıde elektr jelileri jóndelip, 39 myńnan astam gaz jáne tútin datchıkteri ornatylǵan.
Aıta keteıik, kúni keshe Pavlodar oblysy Ertis aýylynda jeke turǵyn úı túgi qalmaı órtenip, 2 bala qaıtys boldy.
Búgin qaıǵy jutqan ertistik otbasyǵa páter kilti tabystaldy.