Shvesııa ınjenerleri qorshaǵan ortany tazalaýǵa baǵyttalǵan erekshe «Corvid Cleaning» startap tehnologııasyn usyndy. Kompanııa qustarǵa dándi daqyldardy qoqysqa aıyrbastaıtyn aqyldy jemsaýyttar ázirledi.
Júıe temeki tuqyldaryn jáne bótelke qaqpaqtaryn dál tanyp, qabyldaı alady. Al tastardy, butaqtardy nemese japyraqtardy qoqys retinde ótkizý múmkin emes. Osylaısha, qustardyń júıeni aldaýyna jol berilmeıdi. Jobanyń negizgi paıdalanýshylary – qarǵalar. Bul qustardyń zerektigi joǵary ári bir-birinen tez úırený qabileti bar. Mamandardyń pikirinshe, bul bastama ortany tazalaýǵa ǵana emes, janýarlardyń tanymdyq qabiletin zertteýge jáne ekologııalyq mádenıetti qalyptastyrýǵa da úles qosa alady.