Japonııa premer-mınıstri Sanae Takaıtı parlamenttiń tómengi palatasyn taratyp, kezekten tys saılaýdy 8 aqpanǵa belgiledi, dep habarlaıdy Egemen.kz.
«Bul saılaýǵa ózimniń premer-mınıstr retindegi bolashaǵymdy tigip otyrmyn. Eldi basqarýdy maǵan senip tapsyra ma, sony halyqtyń ózi sheshsin», dedi úkimet basshysy Sanae Takaıtı.
Aıta keteıik, Sanae Takaıtı Japonııada premer-mınıstr bolyp saılanǵan alǵashqy áıel adam.
NHK telearnasynyń málimetinshe, qazir bıliktegi koalısııa tómengi palatada bar bolǵany bir daýystyń artyqshylyǵymen ǵana otyr. Kópshilikke ıe bolý úshin 233 mandat qajet, al koalısııanyń qolynda dál osy 233 oryn ǵana bar. Iаǵnı bir depýtattyń ketýi nemese daýys berýge qatyspaýy bıliktiń azshylyqqa aınalýyna ákelýi múmkin.
Aldaǵy saılaýda Takaıtı óz ustanymyn kúsheıtip, baǵdarlamasyna qoldaý alýdy kózdeıdi. Úkimet jospary memlekettik shyǵystardy kóbeıtýdi, salyqtyq jeńildikter berýdi jáne qorǵanys salasyn nyǵaıtýdy qamtıdy. Áleýmettik turǵydan eń kóp talqylanyp jatqan usynys – azyq-túlikke salynatyn 8%-dyq salyqty eki jylǵa toqtatý.
Memleket basshysy Qasym-Jomart Toqaev Japonııaǵa bardy.
Úkimettiń esebinshe, bul sheshim bıýdjetke jyl saıyn shamamen 5 trln ıen kóleminde kiristiń kem túsýine ákeledi. Soǵan qaramastan, ómir súrý qunynyń qymbattaýy qazir japon qoǵamyndaǵy eń ózekti másele sanalady. Saýalnamalarǵa sáıkes, halyqtyń jartysyna jýyǵy eń aldymen osy problemany atap otyr.
Qasym-Jomart Toqaev Japonııanyń Premer-mınıstri Sanae Takaıchımen kelissóz júrgizdi
Saılaýda premerge qarsy birikken oppozısııalyq blok qatysady. Olar azyq-túlikke salynatyn 8%-dyq salyqty ýaqytsha toqtatyp qana qoımaı, ony múlde alyp tastaýdy usynady.