Búgin Túrkistan qalasynda 18 jasqa deıingi jasóspirimder men jetkinshekter arasynda shahmattan el chempıonaty bastaldy, dep habarlaıdy Egemen.kz.
30 qańtarda máresine jetetin bul týrnır – ulttyq irikteý júıesiniń negizgi kezeńi sanalady. Osy chempıonatta jeńiske jetken talantty shahmatshylar qurama sapyna qabyldanyp, bıyl ótetin halyqaralyq jarystarǵa qatysady. Qazaqstan shahmat federasııasy (KazChess) Týrızm jáne sport mınıstrliginiń qoldaýymen bastalǵan el birinshiligi Túrkistandaǵy Olımpıadalyq rezervti daıarlaý ortalyǵynda ótip jatyr. Qatysýshylar klassıka, rapıd jáne blıs túrleri boıynsha jeti jas sanatynda medaldardy sarapqa salady. 9 týrdan turatyn oıyndar shveısar júıesimen ótedi.
О́tken jyly eń kóp tabys tapqan shahmatshylar belgili boldy
20-27 qańtar aralyǵynda klassıka (90 mınýt + ár júriske birinshi júristen bastap 30 sekýnd) bolsa, 28-29 qańtar kúnderi rapıdten (15 mınýt + ár júriske 10 sekýnd) synǵa túsedi. 30 qańtar kúni blıs (3 mınýt + ár júriske 2 sekýnd) boıynsha el birinshiligi qorytyndylady.
Shahmatshy Bıbisara Asaýbaeva blısten álem chempıony atandy
Byltyrǵy jyl elimizdiń shahmat sporty úshin tarıhı jyl boldy. Qazaqstannyń balalar-jasóspirimder quramasy jalpy medaldyq esepte álemde birinshi oryn aldy. Álem chempıonatyndaǵy bes altyn medal – kezdeısoqtyq emes. Bul júıeli jumystyń, joǵary daıyndyq deńgeıiniń jáne memlekettik qoldaýdyń zańdy nátıjesi. Byltyr Memleket basshysy Q.Toqaev álem chempıonatynyń júldegerlerin Aqordada qabyldady. Mańyzdy júzdesýde Prezıdent jas shahmatshylardyń jetistikteri elimizdiń mereıi ekenin aıtty. 2025 jyly qazaqstandyqtar álemdik, azııalyq jáne óńirlik birinshilikterde 122 medal jeńip aldy. Onyń ishinde 52 altyn, 32 kúmis, 38 qola júlde bar. Buǵan deıin elimizdiń abyroıyn asyryp, álemdik dodalarda top jarǵan talantty jas shahmatshylar da Túrkistan tórinde baq synap jatyr.
Shahmat kabıneti ashyldy
El chempıonatynyń júlde qory – 15 120 000 teńge. Jeńimpazdar men júldegerlerge qomaqty syıaqy beriledi.