Elimiz jańa saıası ári konstıtýsııalyq kezeńge taban tirep jatyr. Iаǵnı qazir elimizde ult bolashaǵyn aıqyndaıtyn saıası mańyzdy is-sharalar bastaldy. Memleket basshysy júrgizip otyrǵan konstıtýsııalyq reformalar aýqymdy ári túbegeıli sıpatqa ıe. Bul – Ata zańnyń ǵana emes, sonymen birge elimizdiń saıası ınstıtýttarynyń jańa kezeńge qadam basyp, eleýli transformasııaǵa bet alǵanyn kórsetedi.
Parlamenttiń halqymyzdyń ulttyq sanasynda ózindik orny bar uǵym, atyna zaty saı «Quryltaı» sózimen atalyp, qaıta qurylýy – reformalardyń bir bóligi ǵana. Munda 145 depýtat pen 8 komıtet bolady, bul qazirgi Senattaǵy 6 komıtet pen Májilistegi 7 komıtetke qaraǵanda keńirek ókilettikter men jańa ıntegrasııalyq múmkindikter beredi. Osy ózgerister el Parlamentiniń jumysyna úlken saıası jańalyq ákeledi. Ári memlekettiń ınstıtýsıonaldyq tuǵyryn nyǵaıtyp, «Kúshti Prezıdent – yqpaldy Parlament – esep beretin Úkimet» qaǵıdatyna sáıkes ornyqty saıası júıe qalyptasady.
Sonymen qatar Qazaqstannyń Halyq keńesi atty jańa joǵary konsýltatıvtik organnyń qurylýy da – mańyzdy saıası qadam. Onyń quramynda Qazaqstan halqy Assambleıasynyń ókilderi de bolady. Sondyqtan Assambleıany taratyp jatyr degen pikir – qate túsinik. Bul qurylym elimizdegi birlik, turaqtylyq pen qoǵamdyq kelisimdi nyǵaıtý jolynda úlken ról atqaryp keldi.
Qoryta aıtqanda, Qyzylorda oblysynda ótken Quryltaı – elimizdiń Konstıtýsııalyq jańarý dáýiriniń tabaldyryǵynda turǵanyn kórsetedi. Bul – baıyppen júzege asatyn, el bolashaǵy úshin asa mańyzdy saıası úderis.
Gennadıı ShIPOVSKIH,
Senat depýtaty