Keńes Odaǵynyń Batyry Álııa Moldaǵulovanyń 100 jyldyq mereıtoıyna oraı «Álııa Moldaǵulova. О́shpes erlik» atty ensıklopedııalyq jınaq jaryq kórdi. Kitaptyń saltanatty tusaýkeserine Senat depýtattary Amangeldi Nuǵmanov pen Amangeldi Esbaı qatysty, dep jazady Egemen.kz.
Senator A.Nuǵmanov sózinde batyr qyzdyń ómir joly men erligi Táýelsiz elimizdiń urpaqtaryna adamgershilik pen namystyń baǵdary ekenin atap ótti. Onyń esimi eldi mekender men kóshelerge, memorıaldar men estelik oryndarǵa berilip, máńgilikke ulyqtalǵan. Al Álııanyń jarqyn beınesi ádebıet pen ónerde kórinis taýyp, halyq júreginde máńgilik rýhanı qundylyq retinde saqtalyp keledi.
Qobda aýylynda Álııa Moldaǵulovanyń 100 jyldyǵy dúrkirep ótti
«Álııa Moldaǵulovanyń ómir joly men erligi − Táýelsizdik urpaqtary úshin máńgilik sabaq. Batyrdyń qurmetine Aqtóbe oblysyndaǵy aýyl, Astana men elimizdiń basqa da qalalaryndaǵy kósheler ataldy, sondaı-aq onyń esimi Máskeý men Sankt-Peterbýrg qalalarynda da máńgilikke aıshyqtalǵan. Batyr qaza tapqan jerde memorıaldyq keshen boı kóterdi, al onyń jarqyn beınesi ádebıet pen óner týyndylarynda kórinis tapty», dedi senator.
Bul eńbekte batyrdyń Lenıngradtaǵy oqý jyldary, maıdandaǵy erligi, zamandastary men qarýlastarynyń estelikteri, týǵan-týystarynyń áńgimeleri jınaqtalǵan. Sondaı-aq jınaqqa Álııa Moldaǵulovanyń esimi berilgen kósheler, bilim berý jáne mádenıet nysandary, eskertkishter týraly málimetter, sonymen qatar batyr beınesin jyrǵa qosyp, óner týyndylaryna arqaý etken aqyn-jazýshylar men sýretshilerdiń shyǵarmalary engen.
«Ǵasyrlarǵa jalǵasqan erlik» respýblıkalyq forýmy Álııa Moldaǵulovanyń 100 jyldyǵyna arnaldy
Aıta keteıik, ensıklopedııalyq jınaqtyń avtorlary − senator Amangeldi Nuǵmanov pen tarıh ǵylymdarynyń doktory Abaı Tasbolatov.