AQSh-ta el aýmaǵyn sharpyǵan qysqy daýyldyń saldarynan keminde 26 adam qaza tapty. Qurbandar arasynda qar tazalap júrgen egde jastaǵy adamdar men kólikke shana baılap syrǵanaýdy ermek qylǵan jasóspirimder bar, dep habarlaıdy Egemen.kz.
New York Post basylymynyń málimetinshe, 16 jastaǵy qyz qurbysymen birge avtokólikke baılanǵan shanamen syrǵanap, aǵashqa soǵylyp, qaza tapqan. Bul aýa raıynyń qolaısyzdyǵyna baılanysty tirkelgen alǵashqy qaıǵyly jaǵdaı.
Amerıkany aqtútek boran basty: 139 myń adam jaryqsyz qalyp, tótenshe jaǵdaı jarııalandy
Osyǵan uqsas oqıǵa Arkanzas shtatynda da bolǵan.17 jastaǵy jasóspirim dál osyndaı jaǵdaıda shanamen syrǵanap júrip, aǵashqa soǵylǵan.
Sondaı-aq Nıý-Iork shtatynda birneshe adamnyń qaza tapqany belgili boldy. Basylymnyń jazýynsha, 60 jastaǵy er adam shirkeý aýlasynda qar tazalaý kezinde kóz jumǵan. Al Pensılvanııa shtatynda jastary 60 pen 84 aralyǵyndaǵy úsh adam qaıtys bolǵan.
«Budan bólek, Men shtatynyń áýejaıynda ushyp kóterilý kezinde bıznes-djettiń apatqa ushyraýy saldarynan jeti adam qaza tapty», dep jazady basylym.
AQSh-taǵy ımmıgrasııalyq daǵdarys: Mınneapolıs turǵyndary Tramp saıasatyna qarsy kóterildi