Qarjy mınıstrligi Ishki memlekettik aýdıt komıteti profılaktıkalyq baqylaý barysynda Almaty halyqaralyq áýejaıynyń qarjylyq qyzmetinde kemshilikterdi anyqtady, dep habarlaıdy Egemen.kz.
Júrgizilgen tekserýdiń barysynda aksıoner bolyp sanalmaıtyn zańdy tulǵaǵa 6,8 mlrd teńge somasyna dıvıdendterdiń zańsyz tólengeni áshkerelendi.
Bul strategııalyq nysannyń aktıvteri men damý múmkindikterin tómendetip, onyń qarjylyq turaqtylyǵyna áser etti.
Tekserý nátıjeleri boıynsha tıisti qarajat áýejaıdyń shotyna tolyǵymen qaıtaryldy. Atalǵan aqsha Almaty halyqaralyq áýejaıdy damytyp, jolaýshylarǵa qyzmet kórsetý sapasy men basqa da servısterdi jaqsartýǵa baǵyttalady.
Úkimet jeke medısınalyq uıymdardy qarjylandyrýda kóptegen zańbuzýshylyqtardy anyqtady
Qarjy mınıstrligi Ishki memlekettik aýdıt komıtetiniń tóraǵasy Erjan Myńjasarov aıtqandaı, 2025 jyly engizilgen tyń tásilderdiń arqasynda baqylaý organy jappaı tekserýdiń ornyna ataýly(naqty) túrdegi jumysqa basymdyq bergen. Komıtet syn-qateri joǵary aımaqtarǵa basa mán berip, osy tásil tıimdiliktiń artýyna áser etken. Tutastaı alǵanda, tekserýler 22% qysqaryp, anyqtalǵan buzýshylyqtar somasy 36% ulǵaıǵan. Júrgiziletin ár tekserýdiń úshten biriniń tıimdiligi artyp keledi. 2025 jyldyń qorytyndysy boıynsha bıýdjetke 400,0 mlrd teńge qaıtarylyp, sondaı-aq 1,2 mlrd teńge kóleminde aıyppul óndirildi.