ASTANA. 25 maýsym. Italııada Ejelgi Rımge tıesili saýda kemesiniń qaldyqtary tabyldy. Bul týraly 24.kz habarlady.
Kóne kemeni jergilikti polısııa Korsıka men Sardınııa araldarynyń arasyndaǵy shyǵanaqtan taýyp alǵan. Mamandardyń aıtýynsha, keme shamamen 2 myń jyl buryn jasalǵan. Biraq jaqsy saqtalypty. Uzyndyǵy – 18, eni – 7 metr.
Kemege qurylys materıaldary tıelgen. Sarapshylar bul materıaldar Ejelgi Rımdi basqarǵan joǵary laýazymdy tulǵanyń nemese baı kópestiń záýlim úıin salýǵa arnalǵan bolýy kerek dep boljaýda. Sondaı-aq, sý kóliginiń baǵytyna saraptama jasaǵan mamandar keme Ispanııa jaqqa nemese Sardınııanyń batys jaǵalaýyna bet alǵan bolýy múmkin deıdi.
Aıta keteıik, qaldyqtar 50 metr tereńdikten tabyldy. Arheologtar muny «ǵylymı qundylyǵy joǵary olja» dep baǵalap otyr.
Talǵat Raıymbek.
Derek, sýret: 24.kz.