Apple kompanııasy iPhone smartfondaryna jeke derekterdiń qupııalylyǵyn qorǵaýǵa arnalǵan jańa múmkindik qosty. Endi keıbir elderde iPhone qoldanýshynyń naqty qaı jerde júrgenin uıaly baılanys operatorlarynan jasyra alady, dep jazady Egemen.kz.
Bul jańa fýnksııa iOS 26.3 júıesiniń úshinshi beta-nusqasynda paıda boldy. Apple ony qupııalylyqty kúsheıtý úshin engizip otyr. Júıede bul múmkindik iPhone-nyń naqty geolokasııasyn shekteıdi dep sıpattalǵan.
Apple búkteletin iPhone jobasyn jedeldetti
Munyń qalaı jumys isteıtinin qarapaıym tilmen aıtsaq, ádette uıaly baılanys jelileri telefonnyń qaı bazalyq stansaǵa qosylǵanyna qarap, adamnyń shamamen qaı jerde júrgenin biledi. Al jańa qorǵanys osy úderisti shekteıdi.
Degenmen bul fýnksııa barlyq iPhone-ǵa birdeı qoljetimdi emes. Ol tek Apple-diń óz modemderi ornatylǵan qurylǵylarda jumys isteıdi. Qazir bul qatarǵa iPhone Air, iPhone 16e jáne M5 chıpi bar iPad Pro kiredi.
Taǵy bir mańyzdy jaıt – fýnksııa barlyq elde iske qosylmaǵan. Qazir tek keıbir aımaqtar men operatorlarda ǵana qoljetimdi. Mysaly, AQSh-ta Boost Mobile, Ulybrıtanııada EE men BT, Germanııada Telekom, al Taılandta AIS pen True jelilerinde jumys isteıdi.
Sonymen qatar bul qorǵanys tolyq shekteý emes. Eger adam jedel qyzmetterge qońyraý shalsa, telefonnyń ornalasqan jeri jasyrylmaıdy.
2026 jyly iPhone 18 shyqpaýy múmkin